ប្រដាល់ Muaythai ត្រូវប្រើក្នុងកីឡាស៊ីហ្គេម២០១៧នេះ

2017-05-16 03:26:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡាធំប្រចាំតំបន់អាស៊ីអាគ្នេយ៍ដែលហៅកាត់ថា ស៊ីហ្គេម នឹងប្រព្រឹត្តទៅចាប់ពីថ្ងៃទី១៩ ដល់ ៣០ ខែសីហា ឆ្នាំ២០១៧នៅប្រទេសម៉ាឡេស៊ីដែលទទួលធ្វើជាម្ចាស់ផ្ទះ។ ស៊ីហ្គេមឆ្នាំ២០១៧នេះមានកីឡាទាំងអស់ចំនួន៣៨ប្រទេសក្នុងនោះគិតជាវិញ្ញាសាមានចំនួន៤០៥។

ក្នុងចំណោមប្រភេទកីឡាទាំង៣៨មាន២ប្រភេទដែលចេញពីកីឡាប្រដាល់គឺកីឡាប្រដាល់សកល និងកីឡាប្រដាល់សេរី។ ទោះជាយ៉ាងណាស៊ីហ្គេមឆ្នាំ២០១៧នេះមិនបានប្រើប្រាស់ឈ្មោះ«កីឡាប្រដាល់សេរី»ទេ គឺប្រើពាក្យថា Muaythai ។

បង្ហាញលើវិបសាយផ្លូវការរបស់ស៊ីហ្គេម២០១៧

ក្នុងវិបសាយផ្លូវការរបស់កីឡាស៊ីហ្គេមឆ្នាំ២០១៧នេះបានសរសេរពន្យល់ប្រភេទកីឡា Muaythai នេះថា «Muay ជាប្រភេទកីឡាប្រយុទ្ធរបស់ថៃដែលឈរវ៉ៃគ្នាដោយមានបច្ចេកទេសប្រកួតជាច្រើន។ ប្រដាល់នេះត្រូវមានចិត្តសាស្ត្រ និងកម្លាំងកាយដែលរាប់បញ្ចូលស្នៀតទាំងការប្រើកណ្តាប់ដៃ កែង ជង្គង់ ទាត់ ធាក់ និងក្បាច់វាយសេរីជាច្រើនទៀត។ ប្រភេទកីឡាប្រដាល់សេរីនេះមានវិញ្ញាសាទម្ងន់៥២-៥៤គីឡូក្រាម ទម្ងន់៥៤-៥៧គីឡូក្រាម ទម្ងន់៦០-៦៣.៤គីឡូក្រាម និងទម្ងន់៧១គីឡូក្រាម»។

កីឡាប្រដាល់គុនខ្មែរ

នេះជាលើកទី១ហើយដែលប្រដាល់ក្បាច់គុនសេរីត្រូវបានដាក់បញ្ចូលក្នុងព្រឹត្តិការណ៍កីឡាស៊ីហ្គេមដោយកន្លងមកមិនធ្លាប់បានដាក់បញ្ចូលឡើយ ដោយសារមានបញ្ហាចម្រូងចម្រាសនឹងប្រដាល់សេរីផ្សេងៗទៀតដូចជាក្បាច់គុនប្រដាល់សេរីខ្មែរជាដើម។