មិនធម្មតាទេ! រាំបូ បង្ហាត់កូនស្រីឲ្យហាត់ប្រាណតាំងពីអាយ៤ឆ្នាំ

2017-05-17 02:47:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះកូនស្រីទាំង៣រូបរបស់តារាសម្ដែងជើងចាស់ Sylvester Stallone ឫក៏យើងហៅថារាំបូ បានប្រាប់កាសែតអនឡាញ Harper's Bazaar Australia ថាពួកគេត្រូវឪពុកខ្លួនហ្វឹកហាត់ឲ្យអាវង់និងរត់តាំងពីអាយុ៤ឆ្នាំមកម្ល៉េះដើម្បីកុំឲ្យវ៉ៃចាញ់ប្រុស។

កូនស្រីទាំង៣រូបនោះរួមមាន Sophia អាយុ ២០ឆ្នាំ Sistene អាយុ ១៨ឆ្នាំ និង Scarlet អាយុ ១៤ឆ្នាំ។ ពួកគេទាំងបីនាក់នេះត្រូវបានគេចាប់អារម្មណ៍ច្រើនដោយបានទៅចូលរួមកម្មវិធីប្រគល់ពានរង្វាន់ Golden Globes ជាមួយឪពុករបស់ខ្លួន ដោយត្រូវបានគេឲ្យធ្វើជា Miss Golden Globes ទៀតផង។

ដោយសារតែឪពុករបស់ពួកគេជាតារាជើងចាស់ និងកម្លាំងខ្លាំងអីចឹងពួកគេក៏មិនអន់ដែរ។ Sistene បានប្រាប់ថា៖ "តាំងតែពីអាយុ៤ឆ្នាំ ឪពុករបស់ពួកយើងបានបង្ហាត់បង្រៀនពួកយើងឲ្យកាន់តែខ្លាំងដូចជារត់ឲ្យលឿន លោតឲ្យបានឆ្ងាយជាដើមតាំងពីរៀនថ្នាក់បឋម។ ពួកយើងគឺខ្លាំងនិងរឹងមាំតាំងពីក្មេងមកម្ល៉េះ។"

Sistene Stallone

Sistene បន្តទៀតថា៖ "រាល់ព្រឹកយើងត្រូវតែអាវង់យ៉ាងហោចណាស់ ២៤ដង ព្រមទាំងហាត់ប្រាណតាមរបៀបផ្សេងៗទៀត។ ឪពុកខ្ញុំពេញចិត្តដែលពួកយើងមិនមែនជាប្រុស ប៉ុន្តែយើងខ្លាំងអាចបំបាក់ប្រុសៗបាន។ ខ្ញុំសប្បាយចិត្តដែលខ្ញុំអាចវ៉ៃឈ្នះប្រុសៗមួយចំនួនធំ វាធ្វើឲ្យខ្ញុំមានអារម្មណ៍ល្អខ្លាំងណាស់"៕