ទ្រព្យសរុបរបស់ Jay-Z និង Beyonce មានរហូតទៅដល់ជាង១ប៊ីលានដុល្លារ

2017-05-20 08:18:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនាវដ្ដី Forbes បានលើកឡើងកាលពីថ្ងៃពុធថា គូស្នេហ៍ដែលជាកំពូលតារាល្បីនេះ មានទ្រព្យសម្បត្តិរហូតទៅដល់ ១,១៦ប៊ីលានដុល្លារឯណោះ។

សម្រាប់គណនីរបស់តារាចម្រៀងរ៉េបអាមេរិក Jay Z មានរហូតដល់ ៨១០លានដុល្លារ។ នេះបើតាមការចេញផ្សាយចុងក្រោយរបស់ទស្សនាវដ្ដី Forbes ។ ចំណែកឯទ្រព្យរបស់ភរិយារបស់លោក Beyoncé វិញត្រូវបានបង្ហាញថាមាន ៣៥០លានដុល្លារ។

ដោយឡែកបើនិយាយពីការងារវិញ ក្រៅពីជោគជ័យក្នុងវិស័យសិល្បៈ ២នាក់ស្វាមីភរិយាក៏ត្រូវបានដឹងថាមានជំនួញក្នុងដៃជាច្រើនទៀតផងដែរ។

Jay Z ដែលមានឈ្មោះពិត Shawn Carter បានសាងកេរ្តិ៍ឈ្មោះក្លាយជាមហាសេដ្ឋីជំនួញ ។ ខណៈលោកជាស្វាមីបានវិនិយោគជាមួយក្រុមហ៊ុនល្បីៗជាច្រើន ភរិយាវិញក៏មិនទុកពេលទំនេរចោលដែរ ពោលគឺ Beyoncé ជាម្ចាស់ផលិតកម្មមួយ ដែលមានឈ្មោះថា “Parkwood Entertainment” និងមានម៉ាកសំលៀកបំពាក់ផ្ទាល់ខ្លួន ក៏ដូចជាមានហ៊ុនក្នុងក្រុមហ៊ុនធំៗមួយចំនួនផងដែរ៕

ចុចអាន៖ តារាល្បី! មីក្រូហ្វូនធម្មតាសោះ Beyonce លក់បានដល់ម៉ឺនដុល្លារ

ប្រភព៖ CNN ប្រែសម្រួល៖ យី សុធារី