ថៃជាប្រទេសមានអ្នកជិះម៉ូតូស្លាប់ច្រើនបំផុត
- 2017-05-21 04:21:49
- ចំនួនមតិ 0 | ចំនួនចែករំលែក 0
ថៃជាប្រទេសមានអ្នកជិះម៉ូតូស្លាប់ច្រើនបំផុត
ចន្លោះមិនឃើញ
កាលពីខែមុនអ្នកជំនាញបានលើកឡើងថាក្នុងប្រទេសថៃជាមធ្យមមានអ្នកជិះម៉ូតូ ៥ ៥០០ នាក់បានបាត់បង់ជីវិតជារៀងរាល់ឆ្នាំ ឬ ១៥ នាក់ក្នុងមួយថ្ងៃបានស្លាប់។ តួលេខនេះបន្តកើនឡើង ដែលធ្វើឲ្យប្រទេសនេះជាប្រទេសមានចំនួនអ្នកជិះម៉ូតូស្លាប់ច្រើនបំផុតក្នុងលោក។
វេជ្ជបណ្ឌិត Liviu Vedrasco ប្រធានផ្នែកសុខភាពនៅអង្គការសុខភាពពិភពលោក (WHO) ក្នុងទីក្រុងបាងកកបានលើកឡើងថា ៖ «ប្រសិនបើដកអ្នកជិះម៉ូតូចេញ នោះផ្លូវថ្នល់ប្រទេសថៃមានសុវត្ថិភាពដូចនៅប្រទេសស្វីស, សហរដ្ឋអាមេរិក និង ចក្រភពអង់គ្លេសអ៊ីចឹង»។ នៅរបាយការណ៍ឆ្នាំ ២០១៥ អង្គការសុខភាពពិភពលោកនិយាយថាក្នុងចំណោមប្រជាជនថៃ ១០០ ០០០ នាក់ មាន ២៦,៣ នាក់ស្លាប់ដោយសារការជិះម៉ូតូ ដែលនេះជាតួលេខខ្ពស់មួយក្នុងពិភពលោក។
ម៉ូតូជាមធ្យោបាយធ្វើដំណើរក៏ពេញនិយមជាងគេសម្រាប់ប្រជាជនថៃ។ កាលពីឆ្នាំមុនប្រជាជនថៃទិញម៉ូតូ ១,៧៤ លានគ្រឿង ប្រៀបនឹងរថយន្តដែលមានត្រឹម ៧៦៨ ៧៨៨ គ្រឿង។ ចំណែកត្រីមាសទីមួយនេះមានម៉ូតូ ៤៦១ ៧៨៣ គ្រឿងបានលក់ចេញនៅប្រទេសថៃ៕