Park Shin Hye នឹងបរិច្ចាគចំណូលពីការជួបជុំអ្នកគាំទ្រឲ្យទៅអង្គការមួយ

2017-05-22 02:17:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីដែលតែងតែចូលរួមក្នុងការងារមនុស្សធម៌ និងជាតារាសម្ដែងស្រីដ៏ល្បី Park Shin Hye នឹងបរិច្ចាគចំណូលដែលបានមកពីកម្មវិធីជួបជុំអ្នកគាំទ្ររបស់នាងកន្លងមកឲ្យទៅអង្គការមនុស្សធម៌មួយ។

តារាស្រីវ័យ ២៧ឆ្នាំរូបនេះ បានប្រារព្ធកម្មវិធីជួបជុំអ្នកគាំទ្រខ្លួនតាំងពីឆ្នាំ ២០១៣ ហើយថ្មីៗនេះនាងបានសម្រេចចិត្តបរិច្ចាគចំណូលដែលបានមកពីកម្មវិធីនោះ ទៅកាន់អង្គការ KFHI (Korea Food for the Hungry International)។ ជាទូទៅ អង្គការនេះតែងតែជួយទំនុកបម្រុងកុមារ នូវចំណីអាហារ ព្រមទាំងផ្ដល់នូវការអប់រំផងដែរ។

ជាក់ស្ដែងកាយវិការមនុស្សធម៌នេះមិនមែនជាលើកទី ១ របស់ Park Shin Hye ទេ ពោលគឺកន្លងមកនាងធ្លាប់បានចូលរួមជាច្រើនមកហើយក្នុងវិស័យមួយនេះ ហើយនាងក៏ត្រូវបានចាត់ទុកជាតារាស្រីចិត្តបុណ្យម្នាក់ក្នុងប្រទេសកូរ៉េផងដែរ៕

ចុចអាន៖ Goo Hye Sun បន្តសម្រាកនៅផ្ទះ ជាមួយស្វាមី ដោយសារមិនទាន់ជា

ប្រភព៖ Allkpop ប្រែសម្រួល៖ យី សុធារី