កំពូលស្មាតហ្វូន ៦ ម៉ូដែល ត្រូវចិត្តស្ដូក អ្នកនិយមប្រើត្រឹមដៃម្ខាង

2017-05-22 03:57:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតស្មាតហ្វូនជាច្រើន កំពុងវិវត្តអេក្រង់ទូរសព្ទរបស់ខ្លួនឲ្យកាន់តែធំឡើងៗ ផ្ទុយទៅវិញមានមនុស្សមួយចំនួនធំ ប្រហែលជាមិនពេញចិត្តត្រង់ចំណុចនេះទេ។ ពួកគេច្រើនចង់បានស្មាតហ្វូនអេក្រង់តូចល្មម ប្រហែល ៥ អ៊ីញ ឫតូចជាង ព្រោះងាយស្រួលកាន់ប្រើដោយដៃម្ខាង ម្ល៉ោះហើយថ្ងៃនេះ Sabay សូមណែនាំនូវស្មាតហ្វូនមួយចំនួនដែលស្រួលប្រើសម្រាប់អ្នកដៃតូច ឬនិយមប្រើដៃម្ខាង ហើយភាគច្រើនសុទ្ធសឹងតែស៊េរីឆ្នាំ ២០១៧ ទៀត។

១. iPhone 7/ iPhone 6s/ iPhone SE របស់ Apple :

Apple បានបង្កើតឡើងស្មាតហ្វូនអេក្រង់តូចជាច្រើនជំនាន់ ដូចជា iPhone SE អេក្រង់ ៤ អ៊ីញ, iPhone 7/6s អេក្រង់ ៤,៧ អ៊ីញ (ពីរម៉ូដែលនេះ បង្ហាញខ្លួនកាលពីឆ្នាំ ២០១៥ និង ២០១៦) ។ iPhone SE បានវិវត្តមកកាន់ការពង្រីកទំហំអង្គចងចាំ 32GB/128GB ហើយតម្លៃប្រហែល ៤០០ ដុល្លារ រីឯ iPhone 6s គាំទ្រការថតវីដេអូកម្រិត 4K និងមុខងារ Live Photos តម្លៃខ្ទង់ ៥៥០ ដុល្លារ ដោយជំនាន់ថ្លៃបំផុត iPhone 7 មានល្បឿនលឿនជាងជំនាន់ដទៃ បង្កើនថាមពលថ្មប្រសើរជាងមុន គួបផ្សំនឹងការថតរូបដ៏ពិសេស តម្លៃរបស់វា ៦៥០ ដុល្លារ។

២. Pixel របស់ Google :

Pixel មានទំហំ ៥ អ៊ីញ ដោយវាជាប្រភេទស្មាតហ្វូន Android មានល្បឿនដំណើរការលឿនជាងស្មាតហ្វូនដទៃ ហើយត្រង់មុខងារកាមេរ៉ា អាចថាវាធ្វើបានល្អបំផុត។ បច្ចុប្បន្នវាដាក់លក់ក្នុងតម្លៃ ៦៥០ ដុល្លារនៅទីផ្សារក្រៅស្រុក។

៣. Galaxy A3 ស៊េរី ២០១៧ របស់ SAMSUNG :

SAMSUNG មានស្មាតហ្វូនជាច្រើន ដែលមានអេក្រង់ធំ ដូចជា S8+ និងត្រកូល Note ប៉ុន្តែពួកគេក៏មិនភ្លេចក្នុងការតម្រូវចិត្តអតិថិជននិយមអេក្រង់តូចផងដែរ សោតយ៉ាងដូចជាម៉ូដែល A3 ស៊េរី ២០១៧ ដែលមានអេក្រង់ ៤,៧ អ៊ីញ មានរន្ធដោតសាកជំនាន់ថ្មី USB Type-C ដែលអាចផ្ទេរទិន្នន័យទៅកាន់ឧបករណ៍ដទៃបានលឿនជាង micro USB ធម្មតាឆ្ងាយ។ បច្ចុប្បន្ននៅកម្ពុជាវាមានតម្លៃ ៣២៥ ដុល្លារ ។

៤. Redmi 4 Prime របស់ Xiaomi :

នេះជាស្មាតហ្វូនរបស់ក្រុមហ៊ុនប្រទេសចិន Xiaomi ដែលវាមានអេក្រង់ ៥ អ៊ីញ បំពាក់ថាមពលថ្មធំ ទំហំ ៤,១០០ មីលីអំពែម៉ោង និងប្រើឈីប Snapdragon 625 ។ សម្រាប់ស្មាតហ្វូននេះ ហាក់បីជាពុំសូវមានឃើញលក់ក្នុងទីផ្សារអាស៊ី និងអឺរ៉ុបនោះទេ ខណៈបើអ្នកចង់ទិញទល់តែរកមើលនៅក្នុងទីផ្សារប្រទេសចិនផ្ទាល់ ដោយតម្លៃលក់ធម្មតា មិនដល់ ២០០ ដុល្លារឡើយ៕