Iniesta ៖ Real Madrid សមនឹងឈ្នះពានហើយ ព្រោះពួកគេល្អជាងយើង

2017-05-22 04:50:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើឆ្នើម Andrés Iniesta របស់ក្រុម FC Barcelona បានបញ្ជាក់ថា Real Madrid ពិតជាសក្ដិសមនឹងឈ្នះពានរង្វាន់ La Liga នៅរដូវកាលនេះហើយ ព្រោះពួកគេមានសមត្ថភាពខ្ពស់។

Real Madrid លើកពាន La Liga ជាថ្មី ក្រោយពីខកខានអស់រយៈពេល៤រដូវកាលមកហើយ។ ខណៈដែលការឈ្នះពានរង្វាន់នេះ ក៏បានធ្វើឱ្យក្រុមរបស់លោក Zidane បង្កើតកំណត់ត្រាមួយដែរ ដោយក្លាយជាក្រុមស៊ុតបញ្ចូលទីដៃគូប្រកួតគ្រប់ប្រកួតនៅក្នុងលីគតែម្ដងមួយរយៈចុងក្រោយនេះ។

ទាក់ទងនឹងរឿងនេះដែរ Iniesta បាននិយាយថា៖ “យើងបានធ្វើល្អហើយដោយអាចយកឈ្នះ Eibar បាន ប៉ុន្តែយើងមានដៃគូប្រជែងមួយដែលមានសមត្ថភាពខ្លាំងជាងយើងបន្តិច ពួកគេសក្ដិសមនឹងឈ្នះពានរង្វាន់ហើយ។ យើងបានបញ្ចប់រដូវកាល ប៉ុន្តែយើងមិនអាចទាញយកចំណុចសំខាន់ដើម្បីឈ្នះពានបាន... វាដូចជាខ្មាសអៀន ពីព្រោះយើងបាត់បង់តែ៣ពិន្ទុប៉ុណ្ណោះ”៕

ចុចអាន៖ មើលវីដេអូនេះ ទើបហួសចិត្ត អាជ្ញាកណ្ដាលឱ្យបាល់ប៉េណាល់ទីទៅកើត

ចុចអាន៖ អស្ចារ្យ! SCG Muangthong នឹងមកប្រកួតនៅកម្ពុជាម្ដងទៀតក្នុងព្រឹត្តការណ៍ Asean Tour

ចុចអាន៖ ស្ដេច.ស Real Madrid លើកពាន La Liga លើកទី៣៣

ប្រភព៖ Marca ប្រែសម្រួល៖ មុន្នីរម្យ