iPhone/iPad គាំង Touch ID ប្រើមិនកើត អនុវត្តវិធីនេះសិន មុនគិតទៅរកជាងជួសជុល!

2017-05-22 06:30:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធស្កេនក្រយៅដៃ Touch ID បានប្រែក្លាយជាប្រព័ន្ធសុវត្ថិភាពមួយទៀតបន្ទាប់ពី Passcode នៅលើឧបករណ៍ iPhone/iPad របស់ Apple ។ អ្នកប្រើប្រាស់មួយចំនួន ជួបបញ្ហា Touch ID គាំងដំណើរការមិនប្រក្រតីដោយប្រការណាមួយ។ តែកុំទាន់គិតទៅរកជាង យល់ល្អអនុវត្តប៉ុន្មានជំហានតាម Sabay សិន ក្រែងលបានចំណេញលុយខ្លះ។

១.ពិនិត្យមើលការប្រើប្រាស់ឱ្យបានត្រឹមត្រូវ:

ជួនកាលអ្នកជួបបញ្ហា Touch ID មិនដំណើរការ វាមិនមែនមកពីការជាប់គាំង Software ឫ Hardware អ្វីនោះទេ ប៉ុន្តែអាចមកពីការប្រើប្រាស់មិនត្រឹមត្រូវរបស់អ្នក។ ដូចជាការដាក់ម្រាមដៃខុសទីតាំងជាដើម។

ត្រូវប្រាកដថា Sensor ទ្រនាប់ស្កេនក្រយៅដៃមានសភាពស្អាតនិងពុំមានជាប់ធូលីដី
ត្រូវប្រាកដចិត្តថា អ្នកប្រើម្រាមដៃ ដែលបានកំណត់ (ជូនកាលខ្លាចច្រឡំម្រាមដៃ)
ត្រូវមានម្រាមដៃស្អាតមិនប្រឡាក់ធូលីដី នៅពេលដាក់លើទ្រនាប់ស្កេន
កុំចុចលើប៊ូតុង Home សង្កត់ខ្លាំងពេក ដាក់លើវាស្រាលៗ ហើយស្កេនធម្មតាបានហើយ
ម្រាមដៃរបស់អ្នក គប្បីត្រូវស្ថិតនៅលើរង្វង់ស្កេនទាំងមូល ដែលមានផ្នែកខ្សែមាសរុំព័ទ្ធពីក្រៅ
គួរដក Case ចេញ បើអ្នកមាន ព្រោះពេលខ្លះផ្ទៃ Case អាចលួចចូលដល់ទ្រនាប់ស្កេនក្រយៅដៃមួយផ្នែកតូច ដែលយើងមិនចាប់អារម្មណ៍។

២.ធ្វើការ Hard Reset ឧបករណ៍:

ពាក្យនេះពុំមានន័យថា ធ្វើការលុបចោលឯកសារពី iPhone/iPad ទេ វាគ្រាន់ជាការប្រើប៊ូតុងដើម្បី Restart ម៉ាស៊ីនប៉ុណ្ណោះ សូមចុចប៊ូតុង Home+Power ឱ្យជាប់ប្រហែល ៤ វិនាទី ហើយបើកធម្មតាសម្រាប់ iPhone 5s-6s និង iPad រីឯ iPhone 7/7 Plus សូមចុច Volume Dow+ Power ឱ្យជាប់ប្រហែល ៤ វិនាទី ហើយបើកធម្មតា រួចសាកធ្វើការស្កេនម្ដងទៀត។

៣.ធ្វើការបង្កើតប្រព័ន្ធស្កេនថ្មី

ពេលខ្លះវាអាចមានបញ្ហា Error បន្តិចបន្តួចដែរ ព្រោះគ្រឿងម៉ាស៊ីនវាមិនដំណើរការល្អឥតខ្ចោះឡើយ ម្ល៉ោះហើយអ្នកអាចសាកល្បងធ្វើការបង្កើតប្រព័ន្ធស្កេនម្ដងទៀត ឫថ្មីមួយ។

ចូល Settings > Touch ID & Passcode
បញ្ចូល Passcode
ចុចលើ Fingerprints > Add a new fingerprint ឫចុចលើប្រព័ន្ធស្កេនចាស់
ចុច Delete Fingerprint
បន្ថែមចូល Fingerprint ថ្មីម្ដងទៀត។

៤.Update ឧបករណ៍របស់អ្នក:

អាចថាមកពីបញ្ហាជំនាន់ iOS ដែរ ឧបករណ៍ខ្លះឈរត្រឹម iOS 8/9 ខណៈបច្ចុប្បន្នគេឡើងដល់ 10.3.1 សឹងគ្រប់គ្នាហើយនោះ បែបនេះអ្នកគួរសាកល្បង Update ជំនាន់នៃ iOS ដោយចូលទៅកាន់ Settings > General > Software Update (តម្រូវប្រើប្រព័ន្ធ WiFi) ។

ក្រោយការអនុវត្តជំហានទាំង ៤ ខាងលើរួចមក បើអ្នកនៅជួបបញ្ហាដដែល នោះគឺមកពីបញ្ហាផ្នែកគ្រឿងហើយ។ ជម្រើសដ៏ល្អ គឺត្រូវយកទៅជាងដែលនៅជិតអ្នកបំផុត ដើម្បីពិគ្រោះយោបល់ក្នុងការជួសជុលឧបករណ៍របស់អ្នក។

ចុចអានបន្ត៖

ប្រភព៖ idropnews ប្រែសម្រួល៖ កៅ រក្សា