បាខែម ទទួលបានការឧបត្ថម្ភពី Smart ជំរុញវិស័យបច្ចេកវិទ្យានៅកម្ពុជា

2017-05-23 10:13:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Smart បានឧបត្ថម្ភគាំទ្រដល់កម្មវិធីបារខែមកម្ពុជា ក្នុងគោលបំណងដើម្បីលើក កម្ពស់វិស័យបច្ចេកវិទ្យា និងការចាប់ផ្ដើមជំនួញ នៅក្នុងប្រទេសកម្ពុជា។ តាមរយៈការសហការ និងគាំទ្រ នេះធ្វើឲ្យបារខែមកម្ពុជា អាចដំណើរការកម្មវិធីចែករំលែកចំណេះដឹងដល់យុវជន និងសហគ្រិននៅតាម បណ្ដាខេត្តក្រុងចំនួន ៦ រួមមាន រតនគីរី កំពង់ចាម កំពត បាត់ដំបង សៀមរាប និងភ្នំពេញ។

លោក បេ ចន្ត្រា អ្នករៀបចំកម្មវិធីបារខែមកម្ពុជា

លោក បេ ចន្ត្រា អ្នករៀបចំកម្មវិធីបារខែមកម្ពុជាបានលើកឡើងថា តាមរយៈកិច្ចសហប្រតិបត្តិការនេះ ធ្វើឲ្យក្រុមការងាររបស់លោក មានលទ្ធភាពអញ្ជើញវាគ្មិនជំនាញៗនៅរាជធានីភ្នំពេញ និងក្នុងតំបន់ ចូលរួមធ្វើបទបង្ហាញ និងចែករំលែកបទពិសោធន៍ដល់យុវជនតាមបណ្ដាខេត្ត ដោយផ្ដោតលើការ បញ្ជ្រាបការយល់ដឹងអំពី Startups Business ការប្រកួតប្រជែងគំនិតអាជីវកម្ម ការប្រើប្រាស់ បច្ចេកវិទ្យាសម្រាប់ការរៀនសូត្រ ការងារ និងអាជីវកម្ម។ ព្រោះថា អាជីវកម្មចាប់ផ្ដើមថ្មី និងវិស័យ បច្ចេកវិទ្យា នឹងចូលរួមចំណែកយ៉ាងសំខាន់ក្នុងកំណើនសេដ្ឋកិច្ចរបស់កម្ពុជា ក៏ដូចជាភាពរុងរឿងនៃ សង្គមកម្ពុជាផងដែរ ។ តាមរយៈកម្មវិធីនេះ អាចផ្ដល់ឱកាសដល់ ក្រុមហ៊ុនបច្ចេកវិទ្យា និង Startups ថ្មីៗអាចបង្ហាញ និងពិព័រណ៍ ផលិតផល និងសេវាកម្មរបស់ខ្លួនដល់សាធារណជនចូលរូមទូទៅនៅកន្លែង កម្មវិធីផងដែរ។

លោក Thomas Hundt អគ្គនាយកក្រុមហ៊ុន Smart Axiata

លោក Thomas Hundt អគ្គនាយកក្រុមហ៊ុន Smart Axiata បានមានប្រសាសន៍ថា “ភាពជាដៃគូនេះឆ្លុះ បញ្ចាំងនូវការចូលរួមជាបន្តបន្ទាប់របស់ក្រុមហ៊ុន Smart ក្នុងគំនិតផ្ដួចផ្ដើម ជួយជំរុញសហគ្រិនថ្មីៗក្នុង វិស័យបច្ចេកវិទ្យា និងឌីជីថល សំដៅអភិវឌ្ឍសហគមអ្នកចាប់ផ្ដើមជំនួញថ្មី នៅប្រទេសកម្ពុជាអោយ បានរីកលូតលាស់ទៅមុខជាលំដាប់ ។ ជាមួយនឹងការធ្វើសិក្ខាសាលាចែករំលែកចំណេះដឹង និងការជួយ បង្ហាត់បង្ហាញពីអ្នកជំនាញក្រុមហ៊ុន Smart Axiata សង្ឃឹមថាកម្មវិធីនេះនឹងលើកទឹកចិត្តឱ្យយុវជន កម្ពុជាកាន់តែច្រើនអាចបង្កើត និងប្រើប្រាស់បច្ចេកវិទ្យាបានត្រឹមត្រូវ និង បណ្ដុះផ្នត់គំនិត សហគ្រិនភាពរបស់ពួកគេ ដើម្បីសម្រេចបាននូវក្តីសុបិន្តរបស់ខ្លួន ។

បារខែមកម្ពុជា ២០១៧ ជាសិក្ខាសាលាបច្ចេកវិទ្យា និងការចាប់ផ្ដើមជំនួញ ដែលមានគោលបំណង ចែករំលែកចំណេះដឹង ដល់យុវជន និងសហគ្រិន នៅតាមបណ្ដាខេត្ត អំពីការប្រើប្រាស់បច្ចេកវិទ្យា សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងអំពី ការចាប់ផ្ដើមជំនួញ ដូចជា ជ្រើសគំនិតអាជីវកម្ម ការស្វែងយល់ពីការបង្កើតគំរូអាជីវកម្ម ស្វែងយល់អំពីអតិថិជន ការផលិត ផលិតផល និងសេវាកម្ម ផ្សព្វផ្សាយនិម្មិតសញ្ញាអាជីវកម្ម ទីផ្សារ និងការរៀបចំគម្រោងចំណាយ ចាប់ផ្ដើមអាជីវកម្ម ជាដើម។ល។

ក្រុមហ៊ុន Smart ដើរតួនាទីយ៉ាងសំខាន់ក្នុងការអភិវឌ្ឍវិស័យបច្ចេកវិទ្យា គមនាគមន៍ និងព័ត៌មាន ក៏ដូចជាវិស័យឌីជីថលនៅកម្ពុជា។ ក្នុងរយៈពេលប៉ុន្មានខែក្នុងឆ្នាំ ២០១៧ Smart Axiata បានពង្រីកសកម្មភាពរបស់ខ្លួនក្នុងការរៀបចំគាំទ្រ និងឧបត្ថម្ភគំនិតផ្ដួចផ្ដើមទាក់ទង នឹង បច្ចេកវិទ្យា សហគ្រិនភាពនិងការចាប់ផ្ដើមអាជីវកម្មឌីជីថលផងដែរ។ ជាងនេះ ក្រុមហ៊ុន Smart បានសម្ពោធកម្មវិធី SmartStart ដែលជាកម្មវិធីសហគ្រិនច្នៃប្រឌិតវ័យក្មេង សំដៅលើកកម្ពស់សហគ្រិន វ័យក្មេងដែលមានគំនិតអាជីវកម្មក្នុងវិស័យបច្ចេកវិទ្យា៕