ផន ស្រីខួច មានផលិតកម្មច្រើនទាក់ទងថតរឿងព្រោះហេតុផល១

2017-05-24 03:02:22
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ ផន ស្រីខួច កាន់តែមានសម្រស់ស្រស់ស្អាតជាងមុន រហូតធ្វើឲ្យផលិតកម្មក្នុងស្រុកមួយចំនួនបានទាក់ទងនាងឲ្យថតខ្សែភាពយន្តផងដែរ។

ផន ស្រីខួច បានប្រាប់ Sabay ថាផលិតកម្មដែលទាក់ទងឲ្យថតខ្សែភាពយន្តភាគច្រើនតម្រូវឲ្យនាង សម្ដែងជាតួឯក និងជាប្រភេទរឿងបែបក្រមុំស្រុកស្រែចម្ការដែលមានចរិតលក្ខណៈស្លូតបូតសុភាពរាបសារគោរពចាស់ទុំ និងស្ដាប់ដំបូន្មានលោកឪពុកអ្នកម្ដាយ។

រឿងដែលផលិតកម្មចង់បាន ផន ស្រីខួច ឲ្យទៅថតមានទាំងខ្សែភាពយន្តភាគ និងខ្សែភាពយន្តខ្នាតធំដែលដាក់បញ្ចាំងនៅតាមរោងកុន។ តែគួរឲ្យស្ដាយផលិតកម្មទាំងអស់នោះត្រូវបាននាង បដិសេធមិនទទួលថត ក្រោមហេតុផលគ្មានពេលវេលាគ្រប់គ្រាន់ក្នុង និងគ្មានបទពិសោធថតរឿងកន្លងមកធ្លាប់តែសម្ដែងក្នុងបទចម្រៀង។ ផន ស្រីខួច បន្ថែម។

ម្ចាស់បទ "ជីវិតអ្នកម្ដាយ" បញ្ជាក់ថា៖ “ចាសបងបានជាខ្ញុំមិនទទួលថតរឿង ព្រោះខ្ញុំអត់ទាន់មានដុងសម្ដែងពិតប្រាកដនៅឡើយ ដោយសារតែកន្លងមកខ្ញុំសម្ដែងតែនៅក្នុងបទចម្រៀងរបស់ខ្ញុំ អត់ដែលថតខ្សែភាពយន្តផងដូចនេះខ្ញុំបារម្ភខ្លាចសម្ដែងទៅធ្វើអត់បានល្អ" ។