Katy Perry បន្ទោស Taylor Swift ចំពោះជម្លោះរបស់តារាចម្រៀងទាំងពីរ

2017-05-24 23:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានជម្លោះអស់រយៈពេលជាយូរជាមួយនឹងតារាចម្រៀង Taylor Swift ថ្មីៗនេះម្ចាស់បទ "Roar” Katy Perry បានបកស្រាយជាផ្លូវការពីរឿងជម្លោះរបស់អ្នកទាំងពីរ។

កាលពីថ្ងៃទី ២២ខែនេះ Katy Perry បានចូលរួមកម្មវិធីសម្ភាសន៍មួយមានឈ្មោះថា Primetime Special ហើយបាននិយាយពីបញ្ហាជម្លោះរបស់នាងនិងតារាចម្រៀង Taylor Swift។ តារាចម្រៀងរូបនេះបានប្រាប់ថា Taylor Swift គឺជាអ្នកចូលចិត្តបង្កជម្លោះ ខណៈដែលនាងខិតខំសម្របសម្រួល។

Katy Perry និង Taylor Swift

មុនពេល Taylor បញ្ចេញបទចម្រៀង "Bad Blood” ដើម្បីប្រកាសសង្គ្រាមនោះ Katy បានខិតខំទាក់ទង និងស្វែងរកមធ្យោបាយដើម្បីបញ្ចប់ជម្លោះ។ Katy Perry បានថ្លែងដូច្នេះថា៖ "ខ្ញុំព្យាយាមនិយាយទៅ Taylor ប៉ុន្តែនាងមិនព្រមនិយាយជាមួយខ្ញុំទេ យើងធ្លាប់ធ្វើការងារល្អជាមួយគ្នាមួយចំនួន ប៉ុន្តែពេលមានរឿងកើតឡើង Taylor បានសរសេរបទចម្រៀងដ៏អាក្រក់មួយពីខ្ញុំ"។

តារាចម្រៀងវ័យ ៣០ ឆ្នាំមួយរូបនេះបន្តទៀតថាខ្លួនមិនចង់មានជម្លោះនេះទេ នាងនិយាយថា ជាមនុស្សស្រីដូចគ្នា មិនត្រូវបែងចែកបក្សពួកនិងធ្វើរឿងអាក្រក់ដាក់គ្នាទេ ក្នុងនាមជាស្ត្រីគួរតែជួយពិភពលោកទាំងអស់គ្នា។

Katy Perry និង Taylor Swift ធ្លាប់ជាមិត្តជិតស្និទ្ធនឹងគ្នាអស់រយៈពេលជាង ៥ឆ្នាំឯណោះ ដែលរាប់បញ្ចូលនិង Selena Gomez ម្នាក់ទៀតនៅក្នុងមិត្តភាពនេះ។ ប៉ុន្តែអ្វីៗត្រូវប្រែប្រួលទាំងស្រុងនៅឆ្នាំ ២០១២បន្ទាប់ពី អ្នករាំសម្រាប់តន្ត្រីទេសចរណ៍របស់ Taylor Swift បានសម្រេចចិត្តបោះបង់ការងារហើយស្រវាទៅធ្វើការឲ្យ Katy Perry។

Katy Perry និង Taylor Swift កាលមិនទាន់មានជម្លោះ

បញ្ហានេះ Katy Perry មិនមានចេតនាទេ ប៉ុន្តែ Taylor បានខឹងយ៉ាងខ្លាំងហើយមានគំនុំជាមួយ Katy តាំងពីពេលនោះមក។ រហូតដល់ឆ្នាំ ២០១៥ Taylor Swift បានបញ្ចេញបទចម្រៀង "Bad Blood” ដែលមានអត្ថន័យថាឲ្យ Katy Perry ទាំងស្រុងថាពួកគេមានរឿងជាមួយគ្នាហើយ និងមិនអាចត្រូវគ្នាបានទេ។ ថ្មីៗនេះ Katy Perry បានបញ្ចេញបទចម្រៀងតបតរទៅវិញក្នុងបទចម្រៀង "Swish Swish” ដែលសំដៅទៅ Taylor តែម្ដង។ គូសបញ្ជាក់ថា "Swish Swish, Bish” គឺចង់និយាយថា "Swift Swift, B****”។ នេះបញ្ជាក់ថាមិត្តភាពរបស់ពួកគេគ្មានថ្ងៃនឹងត្រូវគ្នាវិញបានទេ៕

ចង់ដឹងច្បាស់មកស្តាប់អត្ថន័យនៃបទចម្រៀងទាំងពីរបទ៖

បទ "Bad Blood"