ទីបំផុត Celine Dion លក់វិមានបានសម្រេច ថ្លៃខ្ពស់កប់មេឃ ឯខាងក្នុងផ្ទះប្រណិតខ្លាំង

2017-05-25 03:03:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយ ៤ឆ្នាំនៃការដាក់លក់ ឥឡូវតារាចម្រៀងម្ចាស់ បទ "My Heart Will Go On” បានលក់ផ្ទះបានសម្រេចហើយក្នុងតម្លៃដ៏ខ្ពស់។

Celine Dion បានលក់ភូមិគ្រឹះដ៏ស្កឹមស្កៃរបស់ខ្លួននៅតំបន់ Jupiter Island ក្នុងតម្លៃ ៣៨,៥លានដុល្លារ ប្រហែលជាងពាក់កណ្ដាលនៃថ្លៃដើម។ ចំពោះម្ចាស់ផ្ទះថ្មីវិញ ជាជនជាតិអាមេរិក ប៉ុន្តែមិនត្រូវបានស្គាល់អត្តសញ្ញាណច្បាស់ថាជាអ្នកណាទេ។ រីឯផ្ទះនេះវិញ ម្ចាស់ថ្មី នឹងទុកជាផ្ទះលម្ហែកាយពេលឈប់សម្រាកម្ដងៗ។

ជាក់ស្ដែង តារាចម្រៀងជើងចាស់រូបនេះ បានដាក់លក់ភូមិគ្រឹះមួយនេះ នៅឆ្នាំ ២០១៣ ក្នុងតម្លៃ ៧២,៥លានដុល្លារ មុនពេលទម្លាក់ថ្លៃមកនៅត្រឹម ៤៥,៥លានដុល្លារ ក្រោយស្វាមីរបស់ខ្លួន លោក René Angélil បានស្លាប់កាលពីឆ្នាំមុន និងទម្លាក់ថ្លៃម្ដងទៀតជាលើកចុងក្រោយកាលពីខែ មករាឆ្នាំនេះ។

សេចក្ដីរាយការណ៍របស់ វិបសាយ Montreal Gazette អចលនទ្រព្យមួយនេះត្រូវបានលក់ដោយជោគជ័យកាលពីខែ មេសា បន្ទាប់ពីចុះថ្លៃថែម ១៥ភាគរយទៀត។ វិបសាយដដែលបានបន្តថា ក្នុងផ្ទះមានបន្ទប់គេង ចំនួន ១៣ បន្ទប់ទឹក ១៤ ផ្ទះសម្រាប់ភ្ញៀវស្នាក់នៅ ១ អាងហែលទឹកច្រើនកន្លែង និងសួនទឹកដ៏ស្រស់ស្អាត១។

តម្លៃ ៣៨,៥លានដុល្លារ ពិតជាខ្ពស់មិនធម្មតា ហើយប្រិយមិត្តប្រាកដជាចង់ដឹងពីទិដ្ឋភាពក្នុងអតីតភូមិគ្រឹះរបស់ម្ចាស់បទ "My Heart Will Go On” ហើយ ដូច្នេះសូមទៅទស្សនាទាំងអស់គ្នា៖

*បន្ទប់ទទួលភ្ញៀវ