ខ្សែការពារចាស់វស្សា Juventus ថាប៉ះ Real មានសង្ឃឹមឈ្នះជាងប៉ះ Barca

2017-05-26 03:50:34
ចំនួនមតិ 0 | ចំនួនចែករំលែក 0

ចន្លោះមិនឃើញ

“ការប៉ះ Real Madrid នៅវគ្គផ្ដាច់ព្រ័ត្រឆ្នាំនេះ ក្រុម Juventus មានទំនុកចិត្តច្រើនក្នុងការទទួលជ័យជម្នះ ជាងកាលពីប៉ុន្មានឆ្នាំមុនដែលប៉ះ Barcelona នៅ Berlin ”។ នេះជាសម្ដីផ្ទាល់របស់ Andrea Barzagli ខ្សែការពាររឹងម៉ាំរបស់ Juventus ។

ក្រុមជើងឯកលីគអ៊ីតាលី នឹងត្រូវតតាំងជាមួយក្រុមជើងឯករបស់អេស្ប៉ាញ ក្នុងវគ្គផ្ដាច់ព្រ័ត្រនៃពានរង្វាន់ UEFA Champions League នាថ្ងៃទី៤ខែក្រោយនេះ នៅទីក្រុង Cardiff ប្រទេសវែល។ ដោយការប្រកួតនោះ ត្រូវបានគេមើលឃើញថាពិតជាស្វិតស្វាញខ្លាំងមែនទែន ព្រោះក្រុមទាំងពីរសុទ្ធតែល្អដូចគ្នា មិនមានចំណុចខ្វះខាតឡើយ។

ទាក់ទងនឹងការប្រកួតនេះដែរ Barzagli ដែលមានវ័យ៣៦ឆ្នាំហើយនោះ បង្ហាញចំណាប់អារម្មណ៍ថា៖ “ឆ្នាំនេះ យើងមានទំនុកចិត្តលើខ្លួនឯងខ្លាំង យើងនឹងលេងក្នុងការប្រកួតសំខាន់ ហើយអ្វីក៏អាចកើតមានបានដែរ។ យើងតែងនិយាយក្នុងបន្ទប់ផ្លាស់សំលៀកបំពាក់ Juventus លើកផុតវគ្គចែកពូលរាល់ឆ្នាំ ហើយឆ្នាំនេះ យើងមកបានកាន់តែឆ្ងាយ ដល់ចំណុចកំពូល។ យើងសង្ឃឹមថានឹងធ្វើបានល្អជាងកាលនៅ Berlin”។

ក្រុមសេះបង្កង់ខាងលើឈ្នះពាន Champions League ចុងក្រោយនៅឆ្នាំ១៩៩៦ ខណៈដែលឈានដល់វគ្គផ្ដាច់ព្រ័ត្រកាលពីឆ្នាំ២០១៥កន្លងទៅ ពួកគេបរាជ័យក្រោមថ្វីជើងរបស់ Barcelona នៅទីក្រុង Berlin ប្រទេសអាល្លឺម៉ង់៕

មាស ចាន់ណា ៖ Singapore Cup ឆ្នាំនេះណាហ្គាមានសង្ឃឹមច្រើន

Sanchez មូរជើងខោហាត់ដាច់ជើងចោលពេល ត្រៀមស៊ី Chelsea នៅ FA Cup

ទោះធ្លាប់ចំអក Pique ប្រាប់កីឡាករ Real មិនបាច់សុំទោសខ្លួនទេ

ប្រភព៖ Marca ប្រែសម្រួល៖ មុន្នីរម្យ