រាជនីពស់ នឹងបង្ហាញខ្លួនដំបូងក្នុងភាពយន្តបូលីវូដ ជាមួយកំពូលតារាសម្ដែងប្រុសថ្មី

2017-05-26 04:07:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងឥណ្ឌាដ៏ល្បី Mouni Roy ដែលត្រូវបានអ្នកគាំទ្រដាក់រហ័សនាមថា "រាជនីពស់” នោះ នឹងចេញមកពញ្ញាក់អារម្មណ៍អ្នកគាំទ្រខ្លួនជាថ្មីតាមរយៈស្នាដៃថ្មីនៅពេលខាងមុខ។

មិនត្រឹមតែមានសមត្ថភាពសម្ដែងខ្ពស់ទេ តារាឥណ្ឌារូបនេះ ថែមទាំងមានរូបរាងស្រឡូនស្រស់ស្អាត គួរជាទីចាប់អារម្មណ៦ថែមទៀតផង។ នាងបានទទួលភាពល្បីល្បាញខ្លាំងគួរឲ្យកត់សម្គាល់ នៅពេលដែលបង្ហាញវត្តមានក្នុងរឿងភាគដ៏ល្បី "Naagin” ឫ "ប្រពន្ធពស់"។

ផ្អែកតាមវិបសាយព័ត៌មាន Caravan Alive បាននិយាយថា Mouni Roy នឹងសម្ដែងក្នុងរឿង បូលីវូដដំបូងបង្អស់របស់នាង ជាមួយកំពូលតារាបូលីវូដ Akshay Kumar។ ព័ត៌មានថ្មីមួយនេះ ធ្វើឲ្យអ្នកគាំទ្ររបស់ តារាស្រីរូបនេះរំភើបខ្លាំង នៅពេលតារាសំណព្វចិត្តរបស់ខ្លួន ឈានចូលក្នុងវិស័យភាពយន្តបូលីវូដ។

កំពូលតារាបូលីវូដ Akshay Kumar

គួរបញ្ជាក់ផងដែរ តាមរយៈរឿង "ប្រពន្ធពស់" បានធ្វើឲ្យ Mouni Roy បានទទួលកេរ្តិ៍ឈ្មោះបោះសំឡេងខ្លាំងណាស់ ដោយសារសមត្ថភាពសម្ដែងដ៏អស្ចារ្យ ហើយនៅស្នាដៃថ្មីនេះ អ្នកគាំទ្រសង្ឃឹមយ៉ាងមុតមាំ ថានឹងក្លាយជាជោគជ័យថ្មីមួយទៀតសម្រាប់នាង៕

*ចុចអាន៖

-ជីវប្រវត្តិខ្លះៗរបស់តួស្រីក្នុងរឿង ប្រពន្ធពស់ ដែលអ្នកមិនធ្លាប់ដឹង

-កំពូលតារាបូលីវូដ Shahrukh Khan ត្រូវបានចំអក ព្រោះពិន្ទុមុខវិជ្ជាមួយទាបពេក

-ព័ត៌មានជុំវិញតារាបូលីវូដ

ប្រភព៖ caravanalive ប្រែសម្រួល៖ យី សុធារី