Note 7 ជួសជុលរួចរាងដូច Note 7 ផ្ទុះថ្មបេះបិត ប៉ុន្តែមានចំណុចសម្គាល់មួយ

2017-05-30 02:35:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung បានបញ្ជាក់កាលពី ២-៣ ខែមុនថាគ្រោងនឹងបញ្ចេញលក់ Galaxy Note 7 ប្រភេទជួសជុលរួចនៅក្នុងទីផ្សារមួយចំនួន។ វានឹងមានរូបរាង និង លក្ខណៈសម្បត្តិដូច Note 7 ធម្មតាដែរប៉ុន្តែមានទំហំថ្មតូចជាង។

Samsung នៅមិនទាន់បញ្ជាក់ទេថា Note 7 ប្រភេទជួសជុលរួចនេះនឹងមានឈ្មោះថ្មីបែបម៉េច និង មានតម្លៃប៉ុន្មាន។ តាមការរាយការណ៍កន្លងមកសន្និដ្ឋានថា Galaxy Note 7 ដែលដាក់លក់ម្ដងទៀតនេះនឹងមានឈ្មោះ Galaxy Note FE (Fan Edition) ប៉ុន្តែចំណុចនេះនៅមិនទាន់មានការបញ្ជាក់ផ្លូវការនៅឡើយទេ។

ដោយឡែកទាក់ទងនឹងរូបរាងវិញ មុននេះបន្តិចមានការលេចធ្លាយរូបរាង Galaxy Note FE ដែលឃើញថាមិនខុសគ្នាពី Galaxy Note 7 ដែលមានបញ្ហាថ្មឡើយ ប៉ុន្តែ Note FE មានចំណុចសម្គាល់មួយដើម្បីឲ្យដឹងថាវាជា Note 7 ដែលគ្មានបញ្ហាថ្ម នោះគឺសញ្ញាអក្សរ R នៅខាងក្រោយ ផ្នែកខាងស្ដាំក្រោមបង្អស់។

មានព័ត៌មានលេចធ្លាយជាច្រើនចេញផ្សាយពី Note FE នាពេលកន្លងមក ប៉ុន្តែមកទល់ពេលនេះមិនទាន់មានដំណឹងផ្លូវការអ្វីពីកាលបរិច្ឆេទចេញលក់ ឬ តម្លៃពីមាត់ Samsung នោះទេ៕

ចុចអាន៖

ប្រភព៖ Sammobile ប្រែសម្រួល៖ សុខហេង