ខ្សែប្រយុទ្ធជម្រើសជាតិថៃ Siroch ទៅចូលរួមជាមួយ Muangthong

2017-05-30 07:08:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Siroch Chatthong បានចុះហត្ថលេខាចូលរួមជាមួយ SCG Muanghtong United សម្រាប់ការប្រកួតលីគកំពូលថៃជុំទីពីរដែលចាប់ផ្ដើមអំឡុងខែមិថុនា។ នេះបើយោងតាមប្រភពពីទំព័រ Facebook ផ្លូវការរបស់ក្លឹប។

Siroch Chatthong

កិច្ចព្រមព្រៀងទិញយកខ្សែប្រយុទ្ធវ័យ២៤ឆ្នាំកើតឡើងតែប៉ុន្មានថ្ងៃប៉ុណ្ណោះក្រោយរូបគេស៊ុតបញ្ចូលទី២គ្រាប់ម្នាក់ឯងជួយ Ubon UMT United យកឈ្នះម្ចាស់ផ្ទះ Muanghtong កាលពីសប្ដាហ៍មុន។ សេចក្ដីប្រកាសបន្ថែមនឹងធ្វើក្រោយចប់ការប្រកួតមិត្តភាពរវាងថៃ និងអ៊ូបេគីស្ថាននៅខែក្រោយនេះ។

កីឡាកររហស្សនាមថា Pipo បាននិយាយថា កេរ្តិ៍ឈ្មោះ និងភាពមានលក្ខណៈជាក្លឹបបាល់ទាត់អាជីពគឺជាកត្តាជំរុញរូបគេឲ្យចូលរួមជាមួយ Muanghtong។ Siroch នឹងចាប់ដៃគូជាមួយ Heberty ជនជាតិប្រេស៊ីលនៅតំបន់ប្រយុទ្ធដើម្បីជួយក្លឹបប្រជែងពានក្នុងស្រុក និងពាន AFC Champions League៕