បើចូលចិត្តរឿងវិទ្យាសាស្ត្រ ១០ រឿងនេះ ដឹងតែត្រូវចិត្តម៉ាច់តែម្ដង!

2017-05-30 09:53:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាសម្រាប់សិល្បៈភាពយន្តវាមានលក្ខណៈធំទូលាយខ្លាំងណាស់ មិនថាជារឿងមនោសញ្ចេតនា វាយប្រហារ ឫក៏វិទ្យាសាស្ត្រទំនើប ការស្រមើស្រមៃចម្លែកៗជាដើម។ ចំពោះផ្នែកមួយដ៏សំខាន់ពីរឿងដែលពេញនិយមមួយចំនួនធំនោះគឺរឿងលក្ខណៈវិទ្យាសាស្ត្រ។ រឿងប្រភេទនេះគឺល្អបំផុតនិងគូរឲ្យចាប់អារម្មណ៍ចំពោះអ្នកពូកែស្រមើស្រមៃនិងគិតពីអ្វីដែលថ្មីៗ។

តោះ! ឥឡូវមកដឹងពីរឿងលក្ខណៈវិទ្យាសាស្ត្រទាំង២០ដែលអ្នកមិនគួររំលង៖

១. Cloud Atlas

បើយោងទៅតាមផលិតកររឿងនេះ ការចាប់ជាតិគឺតែងតែជាផ្នែកមួយរបស់មនុស្ស។ តួសំខាន់ៗទាំងអស់នៅក្នុងរឿងត្រូវគេកត់សំគាល់ពីជីវិតក្នុងជាតិខុសៗគ្នា ដែលមានគំលាតរាប់សតវត្ស។ ពេលខ្លះសូម្បីតែរូបរាងរបស់គេក៏ត្រូវផ្លាស់ប្ដូរដែរអាស្រ័យទៅលើ ការផ្លាស់ប្ដូររបៀបរស់នៅនៃជីវិតម្នាក់ៗ។ ប៉ុន្តែជីវិតនីមួយៗរបស់តួអង្គទាំងនោះសុទ្ធតែមានគោលបំណងនិងរឿងដែលត្រូវសម្រេចក្នុងជាតិនីមួយៗ។ អតីតកាល, បច្ចុប្បន្ន, និងអនាគតនឹងរំលាយចូលគ្នា ខណៈដែលរឿងនេះនឹងធ្វើឲ្យអ្នកមានអារម្មណ៍ភ្ញាក់ផ្អើលនិងរំភើបទៅតាមសាច់រឿង។

២. The Martian

ជាសាច់រឿងមួយនិយាយអំពីអ្នកវិទ្យាសាស្ត្រ Robinson Crusoe ដែលជាប់ខ្លួននៅលើវាលលំហតែម្នាក់ឯង នៅភពព្រះអង្គារដោយសារតែហេតុការណ៍មិនល្អមួយបានកើតឡើង។ រឿងនេះបានបង្ហាញពីការតស៊ូរបស់តួអង្គនោះដែលខិតខំធ្វើអ្វីគ្រប់បែបយ៉ាងដើម្បីឲ្យមានជីវិតរស់បាន នៅលើភាពដែលមិនអំណោយផលដល់សត្វមានជីវិត។ ទោះបីជារឿងនេះមានលក្ខណៈតឹងតែង និងរន្ធត់អារម្មណ៍ម្ដងម្កាល ប៉ុន្តែរឿងនេះក៏បានបញ្ចូលរសនិយមខាងកំប្លែងខ្លះៗផងដែរ។

៣. Inception

នៅក្នុងរឿងនេះ សុបិនបានក្លាយជាស្ពានចម្លងពីពិភពលោកធម្មតាទៅកាន់ពិភពសុបិនមួយ ដែលកើតពីកែច្នៃការសុបិនរបស់មនុស្ស។ ដោយសារតែធ្វើដូច្នេះធ្វើឲ្យជីវិតពិតបន្ទាប់ភ្ញាក់ឡើងពីសុបិននោះក៏មានការប្រែប្រួលដែរ។ ពួកគេប្រើវិធីសាស្ត្រនេះដើម្បីចង់ដឹងពីរឿងសម្ងាត់ផ្សេងៗ ដែលអាចយកបានពីសតិរបស់មនុស្សពេលដេកលក់។ ហេតុនេះហើយបានជាតួអង្គសំខាន់ក្នុងរឿងនេះត្រូវបានគេហៅថាជាអ្នកប្រព្រឹត្តិអំពើចារកម្មនិងជាអ្នកដែលនៅក្រៅសំណៅច្បាប់។ ដោយសារតែកិច្ចការនេះធ្វើឲ្យគេបាត់បង់គ្រួសារនិងអ្វីៗដែលគេស្រលាញ់។ ដើម្បីយករបស់ទាំងនោះមកវិញ បុរសម្នាក់នោះត្រូវធ្វើការងារដែលគ្រោះថ្នាក់បំផុតមួយ។

៤. Edge of Tomorrow

ហេតុការណ៍នៅក្នុងរឿងនេះគឺនិយាយពីពិភពលោកក្នុងការប្រឌិតមួយដែលពពួក Alien បានកំពុងតែវាយប្រហារមនុស្សលោក។ ដូច្នេះតួឯកគឺ William Cage បានស្លាប់នៅក្នុងសង្គ្រាមក៏ប៉ុន្តែក៏រស់ឡើងវិញម្ដងទៀត ជាច្រើនសារ។ គោលបំណងរបស់លោកគឺត្រូវស្វែងរកវិធីដើម្បីកម្ចាត់ Aliens ទាំងអស់ដែលកំពុងតែស្ថិតនៅលើភពផែនដី។

៥. Equilibrium

តើអ្នកធ្លាប់ស្រមើស្រមៃពិភពលោកមួយដែលមិនអនុញ្ញាតឲ្យមនុស្សមានអារម្មណ៍ទេ? រឿងនេះនឹងបង្ហាញអំពីសង្គមមួយដែលហាមឃាត់សូម្បីតែញញឹម ស្ដាប់ចម្រៀងឫក៏ស្រែកខ្លាំងៗទៅកាន់អ្នកជិតខាងដើម្បីធ្វើឲ្យជីវិតមានក្ដីរីករាយតែប៉ុណ្ណោះ។ ហេតុការណ៍កាន់តែតឹងតែងខ្លាំងរហូតដល់ថ្នាក់ មនុស្សទាំងអស់ត្រូវគេបង្ខំឲ្យលេបគ្រឿងញៀនដែលធ្វើឲ្យគេគ្មានអារម្មណ៍។ ប្រព័ន្ធនេះត្រូវបានប្រើប្រាស់ដោយអ្នកកាន់ច្បាប់ ចុះបើអ្នកកាន់កាប់ម្នាក់លែងជឿនឹងគោរពទៅលើប្រព័ន្ធនេះតទៅទៀត តើនឹងមានអ្វីកើតឡើង?

៦. Gattaca

ជាគំនិតមួយទៅសង្គមថ្ងៃអនាគត ដែលជីវិតថ្មីមនុស្សគឺនឹងត្រូវគេកំណត់ដោយប្រើបច្ចេកវិទ្យាកុំព្យូទ័រនៅក្នុងបន្ទប់ពិសោធន៍។ តួឯងក្នុងរឿងនេះ គឺសំណាងល្អដោយកើតឡើងពីការស្រលាញ់របស់មនុស្សជាជាងការពិសោធន៍។ ហេតុដូច្នេះហើយតួអង្គម្នាក់នេះត្រូវឆ្លងកាត់បញ្ហាជាច្រើនយ៉ាងដោយសារតែមានកំណើតខុសពីមនុស្សទូទៅធម្មតា ដែលពាក់ព័ន្ធនឹងអារម្មណ៍ ទេពកោសល្យនិងការខិតខំបំពេញក្ដីសុបិនរបស់ខ្លួនទៅថ្ងៃអនាគតជាដើម។

៧. 12 Monkeys

ជារឿងវិទ្យាសាស្ត្រមួយដែលនិយាយអំពីជំងឺរាតត្បាតមួយដែលកំពុងយាយីពិភពលោក ដែលសម្លាប់មនុស្សសឹងតែអស់ពីពិភពលោក។ ប៉ុន្តែក្តីសង្ឃឹមទាំងអស់មិនបានបង់ទាំងស្រុងនោះទេ នៅមានវិធីមួយដែលគេបញ្ជូនមនុស្សម្នាក់ទៅកាន់អតីតកាលដើម្បីប្រាប់ដំណឹងដល់អ្នកវិទ្យាសាស្ត្រដើម្បីបញ្ចៀសគ្រោះអាក្រក់នេះ។

៨. Source Code

Source Code គឺជាកម្មវិធីកុំព្យូទ័រមួយដែលអាចអោយមនុស្សម្នាក់អាចប៉ាន់ស្មានពីការកាលៈទេសៈ នៃសេចក្ដីស្លាប់ដែលមានលទ្ធភាពដឹងពីចិត្តមនុស្សទាងស្រុងសម្រាប់រយៈពេល៨នាទីចុងក្រោយរបស់មនុស្សម្នាក់នោះ។ វាមិនអាចប្រើដើម្បីជម្លៀសគ្រោះអាក្រក់បានទេ ប៉ុន្ដែវាអាចប្រើវាដើម្បីជួយស្វែងរកជនណាដែលនឹងបង្កគ្រោះថ្នាក់។ បន្ទាប់ពីទទួលបានបទពិសោធន៍ក្នុងការបំផ្ទុះគ្រាប់បែកលើរថភ្លើង ទាហានម្នាក់ឈ្មោះ Colter Stevens ត្រូវបានគេដាក់ឲ្យធ្វើកិច្ចការមួយ ដែលត្រូវរស់នៅជីវិត៨នាទីរបស់លោកម្ដងហើយម្ដងទៀតដើម្បីរកឲ្យឃើញគ្រាប់បែកនិងភេរវករ។

៩. The Matrix

បើសិនជាអ្នកបានរឿងនេះ អ្នកនឹងប្រាកដជាឆ្ងល់ថា តើសព្វថ្ងៃនេះជីវិតរបស់យើងជាជីវិតពិតឫក៏ពួកយើងស្ថិតនៅក្នុងម៉ាស៊ីនកុំព្យូទ័រមួយដែលមានអ្នកបញ្ជាតែប៉ុណ្ណោះ? ដែលប្រព័ន្ធកំព្យូទ័រនោះត្រូវបានគេហៅឈ្មោះថា "The Matrix”។ នេះគឺរឿងដ៏ល្បីមួយរបស់បងប្អូនប្រុសត្រកូល Wachowski ដែលបានក្លាយជារឿងមួយដែលទទួលបានការទទួលស្គាល់ជាខ្លាំង រហូតជះឥទ្ធិពលដល់រឿងថ្មីៗ រឿងភាគព្រមទាំងវីដេអូហ្គេមទៀតផង។

១០. Her

ជារឿងមួយដែលមានលក្ខណៈមនោសញ្ចេតនា "Romatic”ខ្លាំងបំផុត។ រឿងនិយាយអំពីតួអង្គម្នាក់ដែលបាក់ចិត្តស្រលាញ់ទៅលើម៉ាស៊ីន ដែលស្ដាប់ទៅវាមិនគួរឲ្យជឿ។ ក៏ប៉ុន្តែដោយសារតែម៉ាស៊ីននោះគឺជាប្រព័ន្ធកុំព្យូទ័រមួយដែលយល់ច្បាស់ពីអ្វីគ្រប់យ៉ាងរបស់សញ្ជាតិមនុស្សច្បាស់ជាងមនុស្សយល់ពីគ្នាឯងទៅទៀត។ បើសិនជាចង់ដឹងច្បាស់អ្នកអាចទស្សនារឿងនេះនោះនឹងយល់ពីអ្វីដែលបានកើតឡើង។

ក្រៅពីរឿងទាំង១០នេះក៏នៅមានរឿងបែបវិទ្យាសាស្ត្រជាច្រើនដែលអ្នកនឹងចូលចិត្តគឺមានដូចជា៖

Minority Report

K-PAX

Interstellar

Moon

Gravity

District 9

I Origins

In Time

Mad Max: Fury Road

Sunshine

Looper