បញ្ហាលើតួឯកស្រី ធ្វើឲ្យរឿង Wonder Woman អាចត្រូវគេមិនអនុញ្ញាតឲ្យបញ្ចាំងនៅប្រទេសលីបង់ទេ

2017-05-31 02:45:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Wonder Woman គឺជារឿងរបស់ DC Comic ដែលទទួលបានការសរសើរជាច្រើនពីសំណាក់អ្នកពិនិត្យភាពយន្ត ប៉ុន្តែវានឹងមិនអាចបញ្ចាំងនៅប្រទេសលីបង់បានទេ។ បើយោងទៅតាមរបាយការណ៍ពី សារព័ត៌មាន AP ប្រទេសនេះ កំពុងតែមានគម្រោងមិនអនុញ្ញាតឲ្យ Warner Bros បញ្ចាំងរឿងនេះទេ គឺដោយសារតែតួឯកក្នុងរឿងនេះតារាសម្ដែង Gal Gadot គឺជាជនជាតិអ៊ីស្រាអែល។

ប្រទេសលីបង់ គឺកំពុងតែមានសង្គ្រាមជាមួយប្រទេសអ៊ីស្រាអែល ហើយអស់រយៈពេលមួយទសវត្សហើយដែលប្រទេសនេះ មានច្បាប់មិនអនុញ្ញាតឲ្យនាំចូលទំនិញពីអ៊ីស្រាអែល និងមិនអនុញ្ញាតឲ្យប្រជាជនលីបង់ធ្វើដំណើរទៅកាន់ប្រទេសអ៊ីស្រាអែលដើម្បីធ្វើជំនួញផ្សេងៗទៀតផង។

តែទោះជាយ៉ាងនេះក្ដី ក៏គេសង្កេតឃើញមានរូប Posters នឹងផ្ទាំងពាណិជ្ជកម្ម Billboards របស់រឿងនេះ បង្ហាញខ្លួននៅទីក្រុង Beirut ហើយរឿងនេះ នឹងមានកម្មវិធីសម្ពោធនៅយប់ថ្ងៃពុធនេះហើយ នៅក្នុងរោងកុនមួយនៅរាជធានីរបស់ប្រទេសលីបង់។

រឿងដែលទាក់ទងនឹងប្រទេសអ៊ីស្រាអែលធ្លាប់ត្រូវគេបំបិទមិនឲ្យបញ្ចាំងរួចមកហើយ ដូចជារឿង The Attack កាលពីឆ្នាំ ២០១៣។ នេះគឺជារឿងដែលផលិតដោយ ផលិតករសញ្ជាតិលីបង់ Ziad Doueiri ប៉ុន្តែថតនៅប្រទេស Israel។

គួរបញ្ជាក់ថា តួ "Wonder Woman" នេះ គឺធ្លាប់ជាបវរកញ្ញាប្រទេសអ៊ីស្រាអែល និងធ្លាប់បំរើការ២ឆ្នាំក្នុងក្របខណ្ឌកងទ័ពប្រទេសអ៊ីស្រាអែលទៀតផង។ នាងធ្លាប់ចូលរួមសម្ដែងក្នុងរឿងល្បីៗដូចជា Fast & Furious និង Batman v. Superman: Dawn of Justice៕

ខាងក្រោមនេះគឺជា Trailer រឿង Wonder Woman៖