គួច សុកុម្ភៈ ប្រាប់២ចំណុចនាំឲ្យណាហ្គាពិបាកយប់នេះ ខណៈ គួច ដានី សង្ឃឹមឈ្នះ
- 2017-05-31 04:18:28
- ចំនួនមតិ 0 | ចំនួនចែករំលែក 0
គួច សុកុម្ភៈ ប្រាប់២ចំណុចនាំឲ្យណាហ្គាពិបាកយប់នេះ ខណៈ គួច ដានី សង្ឃឹមឈ្នះ
ចន្លោះមិនឃើញ
ប្រធានក្រុមណាហ្គាវើល គួច សុកុម្ភៈ ប្រាប់ ២ចំណុចដែលអាចធ្វើឲ្យណាហ្គាវើលពិបាកយកឈ្នះទៅលើក្រុម Balestier Khalsa ប៉ុន្តែខ្សែបម្រើបម្រើចំណូលថ្មីរបស់ក្លឹបកម្ពុជាមួយនេះសង្ឃឹមឈ្នះដៃគូរហូត ៨០% ។
ណាហ្គាវើល នឹងជួប Balestier Khalsa នៅវេលាម៉ោង ៧:៣០ នាទីយប់ថ្ងៃទី៣១ ខែឧសភា ឆ្នាំ២០១៧ នេះនៅទីលានToa Payoh Stadium។ ទាក់ទងនឹងការប្រកួតនេះតាមការឲ្យដឹងពីវីដេអូដែល Page Facebook របស់ណាហ្គាវើលបង្ហោះមុននេះថា គួច សុកុម្ភៈ គិតទៅលើចំណុចពីរដែលធ្វើឲ្យក្លឹបរបស់គេអាចមានបញ្ហាពិបាកយកឈ្នះដៃគូល្ងាចនេះគឺ បញ្ហាការរស់នៅខុសគ្នា (អាហារ និងអាកាសធាតុជាដើម) និងលេងនៅទឹកដីរបស់ Balestier Khalsa។
ដោយឡែកសម្រាប់ គួច ដានី វិញបាននិយាយថា រូបគេមានជំនឿចិត្តអាចយកឈ្នះដៃគូមួយនេះរហូតដល់ទៅ៨០ % ពីព្រោះកីឡាករក្នុងក្រុមមិនមានបញ្ហារបួស។ ទន្ទឹមនឹងនោះការហ្វឹកហាត់ និងការរៀបចំក្រុមរបស់គ្រូបង្វឹកមានភាពល្អប្រសើរ ទើបធ្វើរូបគេមានជំនឿចិត្តខ្ពស់បែបនេះ។
ក្រុម Balestier Khalsa ស្ថិតនៅលេខ ៧ ក្នុងតារាងលីគកំពូលរបស់សិង្ហបុរី ហើយទើបតែបាន ៦ ពិន្ទុប៉ុណ្ណោះក្នុងចំណោម១០ប្រកួតគឺឈ្នះ២លើកនិងចាញ់៨លើក។ ដោយឡែកណាហ្គាវើលវិញកំពុងស្ថិតនៅលេខ៣ក្នុងតារាងលីគកំពូលកម្ពុជាមាន២២ពិន្ទុឆ្លងកាត់ការប្រកួតចំនួន ១២លើកឈ្នះ៦ស្មើ៤ និងចាញ់២លើកផងដែរ៕
ទស្សនាវីដេអូដែលបង្ហោះដោយ Page Facebook របស់ណាហ្គាវើលខាងក្រោម៖