Google​ ​ទើប​​ប្រកាស​ផ្លូវ​ការ​ថា​ ​YouTube​ ​នៅ​លើ​ប្រព័ន្ធ​ប្រតិបត្តិការ​ ​Android​ ​គឺ​មាន​ការ​អាប់ដេត​ពិសេស​មួយ​ចំនួន​ដែល​ផ្ដល់​ភាព​ងាយ​ស្រួល​ដល់​អ្នក​ប្រើប្រាស់​ក្នុង​ការ​មើល​ ​និង​ដំណើរការ​មុខងារ​នានា។

YouTube​ ​ថ្មី​ ​គឺ​អ្នក​ប្រើប្រាស់​ងាយ​មើល​ ​និង​ជ្រើសរើស​វីដេអូ​នានា​ ​ខណៈ​មាតិកា​វីដេអូ​ទាំង​នោះ​អាច​អូស​ចុះ​ឡើង​ឥត​កំណត់។ លើស​ពី​នេះ​ ​Navigation​ ​ដើម្បី​ទៅ​កាន់​មុខងារ​នានា​ក៏​មាន​លក្ខណៈ​ពិសេស​ ​ដែល​ងាយ​ប្រើ​សម្រាប់​ដៃ​ម្ខាង​ ​ឬ​អ្នក​ប្រើប្រាស់​ដែល​មាន​ប្រអប់​ដៃ​តូច។

ផ្ទាំង​ក្រាហ្វិក​ ​(Interface icon)​ ​នៃ​មុខងារ​នានា​ដូច​ជា​ ​Account, Library​ ​និង​ ​Setting​ ​ជា​ដើម​នោះ​ ​គឺ​កែ​ប្រែ​ថ្មី​ ​មិន​លាយឡំ​ជា​មួយ​វីដេអូ​ទៀត​ ​ហើយ​កម្មវិធី​ ​YouTube​ ​ទាំង​មូល​លើ​ស្មាតហ្វូន​ ​Android​ ​ក៏​ដំណើរការ​រលូន​ជាង​មុន។

ដោយ​ឡែក​ ​ការ​អាប់ដេត​ថ្មី​របស់​ ​YouTube​ ​សម្រាប់​ស្មាតហ្វូន​ ​Android​ ​បាន​ចេញ​ដាក់​ឲ្យ​ប្រើ​ចាប់​ពី​ពេល​នេះ​ ​ខណៈ​ម៉ូដែល​សម្រាប់​ស្មាតហ្វូន​ ​iOS​ ​YouTube​ ​ក៏​ត្រៀម​រួច​រាល់​ ​ហើយ​នឹង​មាន​ឲ្យ​ប្រើ​ក្នុង​ពេល​ដ៏​ខ្លី​ខាង​មុខ៕

ចុចអានបន្ត ៖

• វិធី​រក​ប្រាក់​តាម​ YouTube ដោយ​ខ្លួន​ឯង​ មិន​ខ្លាច​​ត្រូវ​គេ​បោក​
• ពីថ្ងៃនេះទៅចង់​រក​លុយ​ពី​ YouTube ​លែង​ស្រួល​ដូច​មុន​ហើយ
• Google លួច​បន្ថែម​មុខងារសម្ងាត់​​លើ​ YouTube គ្មាន​អ្នក​ដឹង​

ប្រភព៖ PhoneArena   ប្រែ​សម្រួល៖ រដ្ឋ