គៀត សុណ្ណាឡាង ត្រឡប់មកពីវៀតណាមវិញប្រកាស...

2017-05-31 08:13:27
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ គៀត សុវណ្ណាឡាង ត្រូវបានផលិតកម្មក្នុងស្រុកជាច្រើនទាក់ទងឲ្យថតខ្សែភាពយន្ត តែត្រូវបាននាងបដិសេធមិនទទួលថត បន្ទាប់ពីត្រឡប់មកពីជួបគ្រូពេទ្យនៅវៀតណាមរួចមក។

គៀត សុវវណ្ណាឡាង បានប្រាប់ Sabay ថា នាងទើបតែត្រឡប់មកពីពិគ្រោះជំងឺ ជាមួយគ្រូពេទ្យនៅវៀតណាមកាលពីពេលថ្មីៗនេះ។ ក្រោយពីពិភាក្សាជាមួយគ្រូពេទ្យវៀតណាមរួចមកលទ្ធផលឃើញថានាងខ្វះជាតិស្ករ៥០ ភាគរយទើបធ្វើឲ្យខ្សោយ និងគ្មានកម្លាំងកំហែង ហេតុដូច្នេះត្រូវសម្រាកឲ្យបានគ្រប់គ្រាន់ និងទទួលទានអាហារឲ្យទៀងទាត់។

“នាងខ្ញុំសុំទោសផលិតកម្មមួយចំនួនដែលទាក់ទងខ្ញុំឲ្យថតរឿងដុំ និងរឿងភាគ ព្រោះពេលនេះខ្ញុំមានបញ្ហាសុខភាព សុំសម្រាកមួយខែសិនពេលណាសុខភាពបានល្អប្រសើរមានកម្លាំងដូចដើម នាងខ្ញុំ នឹងទទួលថតរឿងដូចដើមវិញ"។ តួឯកស្រីក្នុងរឿង "អាពាហ៍ពិពាហ៍ចម្លែក" បានលើកឡើងដូច្នេះ។

គួរបញ្ជាក់ថា នៅឆ្នាំ២០១៧ នេះខ្សែភាពយន្ត គៀត សុវណ្ណាឡាង ដែលកំពុងតែទទួលបានការគាំទ្រយ៉ាងខ្លាំងពីសំណាក់មហាជននោះគឺរឿង "មន្តស្នេហ៍ក្រមុំបាយឆា" ដែលក្នុងរឿងនេះនាងសម្ដែងជាតួឯកជាមួយកំលោះរូបសង្ហារ លឹម ជាឡាយ៕

ចុចអានព័ត៌មានខាងក្រោមនេះ

ជុំវិញរឿងរ៉ាវពាក់ព័ន្ធ គៀត សុវណ្ណាឡាង អាននៅទីនេះ

ជុំវិញបញ្ហាតារាជាតិ

មិនធម្មតាឆ្នាំ២០១៧នេះ តារាចម្រៀងនិងសម្ដែង៩រូបឡើងស៊េរីរថយន្តជាបន្តបន្ទាប់

អត្ថបទ៖ ឆុង ស៊ីណាន