អីយ៉ូយ! គ្រាន់តែចុច Like Comment ក៏ត្រូវពិន័យ ៤ ពាន់ដុល្លារដែរ
- 2017-06-01 02:49:03
- ចំនួនមតិ 0 | ចំនួនចែករំលែក 0
អីយ៉ូយ! គ្រាន់តែចុច Like Comment ក៏ត្រូវពិន័យ ៤ ពាន់ដុល្លារដែរ
ចន្លោះមិនឃើញ
យោងតាមការប្រកាសរបស់តុលាការនៃទីក្រុង Zurich ប្រទេសស្វីសឲ្យដឹងថាអ្នកប្រើប្រាស់ Facebook មួយចំនួនបានចោទប្រកាន់សកម្មជនសិទ្ធសត្វលោក Erwin Kessler ថារើសអើងពូជសាសន៍តាមរយៈការ Comment លើផុសក្នុងក្រុម (Group) មួយ។
Kessler ក៏បានប្ដឹងអ្នកប្រើប្រាស់ទាំងនោះបានជោគជ័យពីបទបង្ខូចកេរ្តិ៍ឈ្មោះ ប៉ុន្តែកាលពីថ្ងៃអង្គារក៏មានការប្រកាសថាសកម្មជនវ័យ ៤៥ ម្នាក់ផ្សេងទៀតក៏ត្រូវរងការពិន័យដែរ ដោយសារតែគេបានចុច Like លើ Comment ទាំងនោះ ត្បិតថាមិនមែនគេជាអ្នកសរសេរក្ដី។ គេជឿថានេះជាករណីដំបូងបំផុតដែលមនុស្សអាចរងពិន័យដោយសារតែការចុច Like។ នេះបើតាមការលើកឡើងរបស់សារព័ត៌មានអង់គ្លេស The Guardian។
យោងតាមកាសែតស្វីស Tages Anzeiger ឲ្យដឹងថាការ Comment កើតមានឡើងក្នុងកិច្ចពិភាក្សាដ៏តានតឹងមួយលើប្រធានបទថាក្រុមសិទ្ធសត្វណាមួយដែលគួរតែអនុញ្ញាតឲ្យចូលរួមក្នុងកម្មវិធី Street Festival របស់ក្រុមអ្នកមិនបរិភោគសាច់សត្វ។
តាមរយៈការចុច Like របស់ជនជាប់ចោទវ័យ ៤៥ ឆ្នាំដែលមិនបានបញ្ចេញឈ្មោះ គឺបង្ហាញយ៉ាងច្បាស់ពីការគាំទ្រលើ Comment ដែលប្រើពាក្យពេចន៍មិនល្អដូចជាការរើសអើងពូជសាសន៍ជាដើម។ ទង្វើរបស់គេក៏បង្ហាញពីការប្រមាថដល់កិត្តិយសលោក Kessler ផងដែរ។ ជនជាប់ចោទរូបនេះត្រូវបានតុលាការពិន័យជាទឹកប្រាក់ប្រមាណ ៤ ១០០ ដុល្លារ៕
ចុចអាន៖
ឱ្យតែបែបហ្នឹង បុគ្គលិកគិតលុយតាមផ្សារទំនើបច្បាស់គ្មានការងារធ្វើទៀតហើយ
វិធីថ្មីមួយទៀតកាន់តែឡូយ អាចទាញវីដេអូ Facebook ដាក់លើ iPhone បានយ៉ាងងាយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
