បិតា Facebook ដាក់មួយឃ្លា ដាស់អារម្មណ៍អ្នកឆាប់បោះបង់

2017-06-01 07:06:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពេលឡើងទទួលសញ្ញាប័ត្រកិត្តិយស និង ថ្លែងសុន្ទរកថាបញ្ចប់ការសិក្សានៅសកលវិទ្យាល័យ Harvard កាលពីថ្មីៗនេះ លោក Mark Zuckerberg បានចែករំលែកគំនិត និង មេរៀនល្អជាច្រើនដល់សិស្សានុសិស្សដែលមកចូលរួម។

ក្នុងចំណោមនោះមានឃ្លាមួយកន្ត្រាក់អារម្មណ៍អ្នកខ្លាចបរាជ័យជាងគេ គឺពេលដែលបិតា Facebook រូបនេះនិយាយថា ៖ "អ្នកនិពន្ធ JK Rolling ត្រូវបានគេបោះបង់គំនិតគាត់ចោល ១២ ដង មុននឹងសរសេរ និង បោះពុម្ពសៀវភៅ Harry Potter បាន។ សូម្បីតែ Beyonce ក៏ត្រូវឆ្លងកាត់ការផលិតចម្រៀងរាប់រយ មុននឹងឈានដល់ថ្ងៃដែលខ្លួនផលិតបានបទ Halo ដែលធ្វើឲ្យប្រជាប្រិយភាពឡើងកប់កំពូល"។

សេដ្ឋីវ័យ ៣៣ ឆ្នាំរូបនេះបន្ថែមថា ៖ "ជោគជ័យដែលអស្ចារ្យបំផុតគឺបានមកការដែលមិនខ្វល់នឹងភាពបរាជ័យ។ អ្វីដែលអ្នកគិតមិនអាចប្រែរូបរាងមកជាអ្វីដែលអ្នកចង់បាន បានភ្លាមៗនោះទេ។ វានឹងលេចចេញរូបរាងបន្តិចម្ដងៗពេលដែលអ្នកខិតខំធ្វើវា។ អ្វីដែលសំខាន់គឺអ្នកត្រូវចាប់ផ្ដើមធ្វើវា កុំបង្អែបង្អង់យូរ”។

នេះជាសារខ្លីមួយចង់ដាស់តឿនដល់អ្នកដែលចង់ចាប់ផ្ដើមធ្វើអ្វីមួយថា ជោគជ័យមិនមែនអាចកើតឡើងបានភ្លាមៗនោះទេ ប៉ុន្តែវានឹងលេចចេញរូបរាងឡើងពេលដែលអ្នកខិតខំពុះពារគ្រប់បរាជ័យទាំងអស់៕

វីដេអូពេញនៃការថ្លែងសុន្ទរកថាបញ្ចប់ការសិក្សានៅសកលវិទ្យាល័យ Harvard របស់ Mark Zuckerberg ៖