ម៉ូតូ BMW រចនារាងពិសេស បុរាណតែកាលីប

2017-06-02 03:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូ BMW R nineT Scrambler រចនារូបរាងជាពិសេសមួយម៉ូដែលបានបង្ហាញខ្លួនឡើង ដោយម៉ូដែលនេះហាក់មានរូបរាងបុរាណប៉ុន្តែកាលីប។

BMW R nineT ដែលរចនារូបរាងពិសេសដោយក្រុមហ៊ុន JvB-Moto នេះហាក់មានរូបរាងស្លីមជាងស៊េរីធម្មតា។ គេឃើញថាធុងផ្ទុកប្រេងឥន្ធនៈហាក់ដូចជាតូច និង មានប្រវែងខ្លី ហើយមានបំពង់ស៊ីមាំងភ្លោះរាងស្អាតប្លែកដែលធ្វើឡើងពីសារធាតុកាបូន។

Jens Brauch ស្ថាបនិកក្រុមហ៊ុន JvB-Moto ដែលមានទីតាំងនៅអាល្លឺម៉ង់ឲ្យដឹងថាគាត់បានចំណាយពេល ៨ ខែដើម្បីគូរចេញរូបរាងម៉ូតូខាងលើ ហើយការរចនាធុងផ្ទុកប្រេងជាចំណុចលំបាកជាងគេសម្រាប់គាត់។ ប្រព័ន្ធអេឡិចត្រូនិកក៏ជាបញ្ហាមួយដែរ ដោយ Jens ត្រូវប្ដូរទីតាំងវា ហើយសូម្បីប្រព័ន្ធហ្វ្រាំង ABS ក៏ត្រូវដកចេញដែរ។

ចំពោះកែបវិញ Jens ក៏បានច្នៃគ្រោងថ្មីដោយមានមួយកង់ក្រោយធ្វើពីសារធាតុអាលុយមីញ៉ូម ហើយក៏បានប្រើអំពូល LED ថ្មីផងដែរ។ មិនមានការបង្ហើបឲ្យដឹងពីតម្លៃលក់ ឬ ចំនួនលក់នៃម៉ូតូនេះឡើយ ប៉ុន្តែដឹងត្រឹមថានឹងមានលក់នៅប្រទេសអាល្លឺម៉ង់៕

ចុចអាន៖

ប្រភព៖ Zing ប្រែសម្រួល៖ សុខហេង