មកស្គាល់តារាចម្រៀង Youtube រះថ្មីពីររូបទាំងសង្ហា ច្រៀងក៏ពិរោះ កំពុងល្បី!

2017-06-04 02:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Alex Aiono និង William Singe ជាតារារះថ្មីពីររូបដែលទទួលបានភាពល្បីឈ្មោះដោយសារតែការ Cover បទចម្រៀងពីរោះនិងដោយដោយសារតែរូបរាងដ៏សង្ហាររបស់ពួកគេ។

Alex Aiono កើតនៅថ្ងៃទី១៦ខែកុម្ភៈឆ្នាំ១៩៩៦ (អាយុ២១ឆ្នាំ) ជាតារាចម្រៀងនិងផលិតករមកពី Phoenix រដ្ឋ Arizona សហរដ្ឋអាមេរិក។ Alex ទទួលបានភាពល្បីល្បាញដោយសារតែវីដេអូនៅលើYoutube របស់ខ្លួនដែលសរុបទាំងអស់មានអ្នកទស្សនាដល់ទៅជាង ៥២០លានដងឯណោះ។ ព្រមទាំងមានអ្នកគាំទ្រនៅបណ្តាញសង្គមនានាដល់ទៅជាង ២.៧លាននាក់។

Alex Aiono

ចំណែកឯ William Singe វិញជាតារាមានអាយុ ២៤ឆ្នាំ មកពីប្រទេសអូស្ត្រាលី ជាតារាចម្រៀង អ្នកនិពន្ធចម្រៀង និងជាផលិតករទៀតផង។ មិនខុសគ្នាពី Alex ប៉ុន្មានទេ William ជាតារាល្បីនៅលើ Youtube និងបណ្ដាញសង្គមនានាជាពិសេស Facebook។ តារារូបនេះធ្លាប់ជាសមាជិកក្រុមចម្រៀង The Collective តែក្រុមនេះក៏រំសាយទៅវិញបន្ទាប់ពី William ចាកចេញពីក្រុមកាលពីឆ្នាំ២០១៥។

William Singe

មិនយូរប៉ុន្មាន William Singe និង Alex Aiono បានចាប់ដៃគ្នាបង្កើតវីដេអូ Cover បទចម្រៀងរួមគ្នាដែលបូកចូលគ្នាសម្រាប់វីដេអូទាំង២នេះគឺមានអ្នកទស្សនាដល់ទៅជិត ៩០លានដង។ ដោយសារតែទទួលបានគាំទ្របែបនេះហើយទើបពេលនេះអ្នកទាំងពីរសុទ្ធតែមានផលិតកម្មចុះកុងត្រារៀងៗខ្លួននិងបានបញ្ចេញបទចម្រៀងជាហូរហែ។

ក៏ប៉ុន្តែពួកគេក៏មិនបានបោះបង់ចោលគ្នាដែរ ដោយពួកគេចាប់ដៃគ្នាសម្ដែងតន្ត្រីទេសចរណ៍នៅសហរដ្ឋអាមេរិកនិងកាណាដា៕