សរុបថវិកា និងការឧបត្ថម្ភធំៗ ដែលគ្រួសារសព អ៊ិត សេដ្ឋា ទទួលបាន គិតត្រឹមថ្ងៃនេះ

2017-06-06 02:47:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីបូជាសពលោក អ៊ិត សេដ្ឋា បានប្រព្រឹត្តទៅចប់សព្វគ្រប់ប្រពៃណីព្រះពុទ្ធសាសនា ហើយកាលពីម្សិលមិញនេះដែលមាន មិត្តសិល្បៈ អ្នកគាំទ្រ និងសប្បុរសជន ចូលរួមជូនដំណើរ លោក អ៊ិត សេដ្ឋា និងរំលែកទុក្ខ ហើយឧបត្ថម្ភដល់ក្រុមគ្រួសារសព។

ក្នុងនោះការចូលរួមដោយផ្ទាល់ចំពោះគ្រួសារសព តាមរយៈនាយពែកមី ដោយផ្ទាល់មានចំនួន ៤២៦០ដុល្លារ ដែលមានថវិកា ២០លានរៀលពី ឯឧត្តម ហ៊ុន ម៉ាណែត តាមរយៈ Wing មានចំនួន ១០៥០ដុល្លារ និងសល់ជាង៦០ដុល្លារទៀតដែលមិនទាន់បានដក។ នេះមិនទាន់គិតប្រាក់ដែលសប្បុរសជន ចូលរួមជាបច្ច័យ និងបរិច្ចាគនៅទីតាំងពិធីបុណ្យសពនៅថ្ងៃល្ងាចមិញ។

ក្នុងនោះ សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន បានផ្ដល់ថវិកាសរុប១៥លានរៀល ដល់ក្រុមគ្រួសារសពផងដែរ។

ក្រៅពីនោះ ឧកញ៉ា បានសន្យាផ្ដល់ផ្ទះមួយល្វែងនៅខេត្តព្រះសីហនុ បើសមាេជិកគ្រួសារព្រមទទួល និងប្រាក់ចំនួន៥០០ ដុល្លារ។ ឯអ្នកឧកញ៉ា គិត ម៉េង បានធានារ៉ាប់រងរាល់ការចំណាយលើពិធីបុណ្យសពទាំងមូល។

ចំណែកឯខាងការសិក្សា របស់ក្មេងកំព្រាទាំង៣ ឯកឧត្ដម ខៀវ កញារិទ្ធិ រដ្ឋមន្ត្រីក្រសួងព័ត៌មាន ក៏ដូចជាក្រុមហ៊ុន CBS បានសន្យាថា នឹងជួយឲ្យអស់ពីលទ្ធភាពដើម្បីរៀនបានចប់ចុងចប់ដើម។ មិនត្រឹមតែប៉ុណ្ណោះ ឯកឧត្ដម លី ឆេង អគ្គនាយកប៊ែលធី គ្រុបក៏បានប្រកាសផ្ដល់អាហារូបករណ៍ ថ្នាក់ចំណេះទូទៅភាសាអង់គ្លេសដល់ក្មេងកំព្រាទាំង៣រៀនរហូតដល់ថ្នាក់បញ្ចប់ផងដែរ។