អីយ៉ាស់! ញ៉ែម សុគន្ធ លួចពេញចិត្តលើ នី មុន្នីនាថ តាំងពីពេលណាអ៉ីចេះ?

2017-06-07 02:50:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ញ៉ែម សុគន្ធ បានលើកឡើងក្នុងពិធីសម្ពោធរឿង "នាងនាថបាត់ដំបង" កាលពីល្ងាចមិញនៅរោងភាពយន្ត Major Cineplex by Cellcard ថា លោកពិតជាលួចពេញចិត្តលើ នី មុន្នីនាថ ពិតមែនបន្ទាប់ក្រោយពីមានឱកាសសម្ដែងជាមួយគ្នាបាន១រឿង។

កំលោះសង្ហារចង្កាព្រែក រូបនេះបន្តថា៖ "ទោះបីជា នាថ គាត់ជាសិស្សប្អូនខ្ញុំមែន តែពេលសម្ដែង ក្នុងរឿង "នាងនាថបាត់ដំបង"ជាមួយគ្នា ខ្ញុំឃើញថាគាត់លេងបានល្អ ពេលគាត់លេងខ្ញុំតែងតែលួចមើលគាត់ ហើយក៏លួចពេញចិត្តលើសមត្ថភាពសម្ដែងរបស់គាត់ផងដែរ"។

ក្នុងរឿង "នាងនាថបាត់ដំបង"នេះដែរ ញ៉ែម សុគន្ធ ក៏និយាយប្រាប់ពីឈុតឆាកលំបាកមួយចំនួនផងដែរ។លោកថា ឈុតឆាកដែលលំបាកជាងគេត្រង់ខ្លួនសម្ដែងរស់នៅជាមួយខ្មោច នាងនាថ ព្រោះត្រង់ឈុតនេះត្រូវលេងទឹកមុខ និងប្រើអារម្មណ៍ឡើងចុះ។

ដោយឡែក លោក ស៊ិន សុផាត ប្រធានគណៈកម្មការត្រួតពិនិត្យកម្មវិធីផ្សាយទូរទស្សន៍ប៉ុស្តិ៍លេខ៥ បានមានប្រសាសន៍ថា រឿង "នាងនាថបាត់ដំបង" នេះទូរទស្សន៍ប៉ុស្តិ៍លេខ៥ កន្ត្រាក់អារម្មណ៍អ្នកគាំទ្រនៅតាមរោងកុនជាមុនសិន មុននឹងចាកផ្សាយនៅទូរទស្សន៍ប៉ុស្តិ៍លេខ៥។

“បាទរឿងនេះ បានផលិតឡើងយ៉ាងសម្រិតសម្រាំងបំផុតតាមលំនាំរឿងព្រេង "នាងនាថបាត់ដំបង" ហើយមានគ្រប់រស់ជាតិបើប្រៀបធៀប និងរឿង "នាងនាថ" ដែលធ្លាប់ផលិតកន្លងមក។ រឿងនេះយើងចំណាយដើមទុនច្រើនក្នុងការផលិត តែខ្ញុំសុំមិនបញ្ជាក់ថាអស់ប៉ុន្មានទេ"។លោក អ៊ិន សុផាត ថ្លែង បញ្ជាក់។

រឿង "នាងនាថបាត់ដំបង" គឺជាខ្សែភាពយន្តខ្មោចភ័យរន្ធត់លងបន្លាច លាយឡំជាមួយឈុតឆាកកំប្លែង នឹងត្រូវចាក់បញ្ចាំងនៅតាមរោងកុនទំនើបៗ ក្នុងរាជធានីភ្នំពេញ និងនៅខេត្តសៀមរាប ចាប់ពីថ្ងៃទី៨ ខែ ឧសភា ឆ្នាំ ២០១៧ នេះហើយ។ចូលរួមសម្ដែងដោយ លោក ញ៉ែម សុគន្ធ កញ្ញា នី មុន្នីនាថ និងតារាសម្ដែងប្រុសស្រីជាច្រើនរូបទៀត។