Barca ចង់ឲ្យ Neymar បានសញ្ជាតិអេស្ប៉ាញដោយសារច្បាប់មួយរបស់ La Liga

2017-06-08 02:21:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Barcelona រំពឹងថា Neymar នឹងបានសញ្ជាតិអេស្ប៉ាញឆាប់ៗដើម្បីឲ្យក្លឹបអាចបញ្ចូលកីឡាករមកពីទ្វីបក្រៅអឺរ៉ុបម្នាក់ទៀតនៅក្នុងក្រុម។

Neymar

យោងតាមច្បាប់ក្របខ័ណ្ឌ La Liga គឺកំណត់ឲ្យក្លឹបនីមួយៗមានកីឡាករមកពីទ្វីបក្រៅអឺរ៉ុប (អាមេរិកឡាទីន, អាស៊ី ឬអាហ្វ្រិក...) តែ៣នាក់ប៉ុណ្ណោះ ហើយបច្ចុប្បន្ន Barcelona គឺគ្រប់ចំនួនហើយមានដូចជា Neymar, Luis Suarez និង Marlon Santos។

Neymar សញ្ជាតិប្រេស៊ីល បានលេងនៅអេស្ប៉ាញ៤ឆ្នាំក្នុងនាមជាកីឡាករបរទេស ដូច្នេះអាចស្នើសុំសញ្ជាតិបាន។ មែនទែនទៅតាមច្បាប់អេស្ប៉ាញកីឡាករដែលមកពីប្រទេសធ្លាប់ស្ថិតនៅក្រោមអាណានិគមអេស្ប៉ាញមានសិទ្ធសុំសញ្ជាតិតាំងពីស្នាក់នៅប្រទេសនេះបាន២ឆ្នាំមកម្ល៉េះ។

Lionel Messi ដែលកើតនៅអាហ្សង់ទីន មានសញ្ជាតិអេស្ប៉ាញក្នុងឆ្នាំ២០០៥ បន្ទាប់ពីខ្សែប្រយុទ្ធឆ្នើមវ័យ២៩ឆ្នាំមកលេងនៅ Barcelona តាំងពីឆ្នាំ២០០១ ដូច្នេះហើយទើបរូបគេមិនត្រូវបានរាប់ចូលក្នុងបញ្ជីកីឡាករក្រៅទ្វីបអឺរ៉ុប៕