គង់ សុជាតិ ចង់បានកូនភ្លោះបន្ថែមទៀតតែ ជា វិបុល បែរជា...

2017-06-08 23:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាក្នុងពេលនេះអ្នកនាង គង់ សុជាតិ ទទួលបានកូនស្រី១នាក់ជាចំណងដៃលើកដំបូងជាមួយ ជា វិបុល ក៏ដោយនាងនៅតែប្រាថ្នាចង់បានកូនភ្លោះទៀត តែស្វាមីបែរជាអត់ទាន់ចង់បាន។

អ្នកនាង គង់ សុជាតិ បានប្រាប់ថា Sabay ថានៅពេលនេះប៉ាម៉ាក់ក្មេកពិតជាចង់បានចៅខ្លាំង ដើម្បីឲ្យមានគ្នាលេងកុំឲ្យអផ្សុកតែប្ដីនាងមិនអាចធ្វើតាមការស្នើសុំរបស់ប៉ាម៉ាក់ក្មេកបានទេ ក្រោមហេតុផលថាគ្មានពេលវេលាគ្រប់គ្រាន់ក្នុងការយកកូន។ ម្យ៉ាងទៀតពេលនេះកូនស្រីទើបតែមានអាយុ៥ខែ។

“មិនមែនតែប៉ាម៉ាក់ក្មេកខ្ញុំទេ ដែលចង់បានចៅសូម្បីតែខ្ញុំក៏ចង់បានដែរ គឺចង់បានកូនភ្លោះស្រីតែម្ដងតែស្វាមីនាងខ្ញុំគាត់ថាចាំកូនស្រីបានអាយុ៣ ឆ្នាំចាំយកទៀត គាត់ថាយកតែ១ទៀតគឺគ្រប់គ្រាន់ហើយអត់ចង់បានភ្លោះអីទេ ព្រោះគាត់គិតពីសម្រស់ និងសុខភាពរបស់ខ្ញុំ"។ នេះបើតាមអ្នកនាង គង់ សុជាតិ ថ្លែងបញ្ជាក់។

គង់ សុជាតិ បន្ថែមថា កូនទី១ដែលជាដំណក់ឈាមជាមួយ ជា វិបុល ចាប់តាំងពីពរពោះរហូតមកដល់ពេលសម្រាលបាននាំសំណាងយ៉ាងច្រើនដល់រូបនាង និងស្វាមីជាបន្តបន្ទាប់ផងដែរ។

ចុចអាន៖ ព័ត៌មានពាក់ព័ន្ធ គង់ សុជាតិ

ចុចអានរឿងរ៉ាវតារាជាតិ

ចុចអាន៖បញ្ហាតារាជាតិ

អត្ថបទ៖ ឆុង ស៊ីណាន