ឮមានពិព័រណ៍លើទីលានខេត្តក្រចេះ យុវជនសំណូមពរឲ្យបង្វែរទៅទីតាំងផ្សេង
- 2017-06-09 08:42:42
- ចំនួនមតិ 0 | ចំនួនចែករំលែក 0
ឮមានពិព័រណ៍លើទីលានខេត្តក្រចេះ យុវជនសំណូមពរឲ្យបង្វែរទៅទីតាំងផ្សេង
ចន្លោះមិនឃើញ
យុវជនក្នុងខេត្តក្រចេះសំណូមពរដល់ស្ថាប័នពាក់ព័ន្ធ និងអាជ្ញាធរខេត្តបង្វែរទីតាំងពិព័រណ៍ បន្ទាប់ពីលេចឮដំណឹងថា មន្ទីរអប់រំ និងអាជ្ញាធរខេត្ត នឹងអនុញ្ញាតឲ្យក្រុមហ៊ុនឯកជនតាំងពិព័រណ៍ថៃនៅលើទីទីលានបាល់ទាត់ខេត្តនេះ។
តាមព័ត៌មានដែលយុវជនក្នុងខេត្តទទួលបានគឺទីលានបាល់ទាត់ខេត្តគឺជាទីតាំងដែលត្រូវដាក់ពិព័រណ៍រយៈពេលមួយសប្ដាហ៍។ ក្នុងឆ្នាំកន្លងមកខេត្តក្រចេះតែងមានការដាក់តាំងពិព័រណ៍ជារឿយៗ ហើយតែងបន្សល់នៅអំបែងដបស្រាបៀរ ចង្កាក់សាច់គោ ចង្កឺះ និង បែកភក់ ក្រឡុកស្នាមកង់ឡានម៉ូតូក្នុងទីលានជានិច្ច បើទោះមានការប្រមូលសំរាមក៏ដោយ។ សកម្មភាពកីឡាលើទីលានបាល់ទាត់តែងត្រូវផ្អាក ជាក់ស្តែងក្នុងចុងឆ្នាំ២០១៥ ត្រូវផ្អាកជិត៥ខែ និងកំឡុងឆ្នាំ២០១៦ ត្រូវផ្អាកជិត៣ខែ។
បច្ចុប្បន្នកីឡាបាល់ទាត់ក្នុងខេត្តកំពុងមានការផុលផុសខ្លាំង ដែលកន្លងមកថ្មីៗនេះមានក្រុមចូលរួមប្រកួតពានរហូតដល់១៥ក្រុម មានការប្រកួតមិត្តភាពជារៀងរាល់សប្ដាហ៍ ហើយក្រុមខ្លះមានបណ្តុះបណ្តាលយុវជនថ្នាលអាយុក្រោម១៣ឆ្នាំផងដែរ។ ពិតណាស់តាមផែនការជាតិសម្រាប់ត្រៀមកីឡាអាស៊ីហ្គេមដែលកម្ពុជាធ្វើជាម្ចាស់ផ្ទះឆ្នាំ២០២៣ គឺធ្វើយ៉ាងណាឲ្យគ្រប់ខេត្តបំផុសចលនាកីឡាគ្រប់ប្រភេទដើម្បីដណ្តើមមេដាយជូនជាតិ។
ពេលនេះយុវជនក្នុងខេត្តក្រចេះកំពុងចាប់ផ្តើមធ្វើរឿងនេះហើយ។ អ្វីដែលជាសំណូមពរគឺជួយលើកទឹកចិត្តដល់ការប្រឹងប្រែងនេះ។ ប្រសិនបើមិនបានជួយឧបត្ថម្ភអ្វី សូមកុំតែបំបាក់ទឹកចិត្តពួកគាត់បានហើយ។ ជម្រើសទីតាំងផ្សេងទៀតដែលអាចដាក់តាំងពិព័រណ៍ខ្មែរ-ថៃបានដូចគ្នាគឺនៅសួនកុមារក្នុងបរិវេណ មន្ទីរវប្បធម៌ដូចធ្លាប់ធ្វើកន្លងមក។
លោក មាន មានិត ប្រធានក្រុមបាល់ទាត់ Kratie FC បានលើកឡើងថា ៖«សំណូមពរដល់ថ្នាក់ដឹកនាំខេត្ត និងស្ថាប័នពាក់ព័ន្ធ នឹងការគ្រប់គ្រងទីលានបាល់ទាត់ មេត្តាបង្វែរទីតាំងសម្រាប់ដាក់តាំងដែលគ្រោងពិព័រណ៍ ទៅកន្លែងផ្សេង ទុកទីលានសម្រាប់យុវជនលេងកីឡាដើម្បីបំផុស ចលនាបាល់ទាត់ក្នុងខេត្តឲ្យរីកចំរើនឡើងវិញប្រហាក់ប្រហែលជំនាន់មហាគ្រុឌ ជាពិសេសការបំផុស ឲ្យមានឈុតថ្នាលដើម្បីរួមចំណែកបណ្ដុះធនធានសម្រាប់ Seagame ២០២៣»។
យុវជន គុន ម៉ុង សមាជិកក្រុមបាល់ទាត់ព្រាបសបាននិយាយថា ៖«
ចំណែកយុវជន ដាំង សុភារាក់ ប្រធានក្រុម UME Kratie បាននិយាយថា ៖«