នារីដែលសល់ជីវិតពីគ្រោះថ្នាក់ធ្លាក់យន្តហោះ ឡើងបង្ហើរសំឡេងយ៉ាងក្រអួនក្នុងកម្មវិធី AGT

2017-06-10 02:21:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខនារីម្នាក់កម្មវិធី America's Got Talent រដូវកាលទី ១២ សប្ដាហ៍ថ្មី បានធ្វើឲ្យទស្សនិកជនមួយចំនួន ព្រមទាំងគណៈកម្មការមានអារម្មណ៍ក្ដុកក្ដួល និងអាណិតអាសូរជាខ្លាំង ក្រោយឃើញរូបរាងរបស់នាង ប៉ុន្តែពួកគេស្ញប់ស្ញែងនឹងភាពក្លាហានរបស់បេក្ខនារីរូបនេះណាស់។

បេក្ខនារីរូបនេះមានឈ្មោះថា Kechi មកពីប្រទេសនីហ្សេរីយ៉ា ប៉ុន្តែបច្ចុប្បន្ននាងរស់នៅទីក្រុង Houston រដ្ឋ Texas។ កាលពីនាងមានអាយុ ១៦ឆ្នាំ នាងបានជួបឧប្បត្តិហេតុធ្លាក់យន្តហោះដ៏រន្ធត់ ទទួលគ្រោះថ្នាក់ធ្ងន់ធ្ងររហូតធ្វើឲ្យដងខ្លួន និងមុខមាត់របស់នាងត្រូវបានបំផ្លាញយ៉ាងដំណំ។ ក្នុងហេតុការណ៍នោះបណ្ដាលឲ្យអ្នកដំណើរ ១០៧ នាក់បានស្លាប់ ហើយ Kechi គឺជាមនុស្សម្នាក់ ក្នុងចំណោម២នាក់ដែលនៅរស់។

ឈរនៅលើឆាក America's Got Talent វគ្គ Judge Audition នាងបាននិយាយថា ក្រោយជួបគ្រោះថ្នាក់នាងមិនហ៊ានទៅណា ក្រៅពីសំងំក្នុងបន្ទប់ស្ដាប់តន្រ្តី ទើបធ្វើឲ្យនាងបានសប្បាយចិត្តខ្លះ។ ដោយសារចិត្តស្រលាញ់ ទើបនាងដាច់ចិត្តមកប្រលងក្នុងកម្មវិធីនេះ។ សំឡេងរបស់នាងពិតជាពីរោះ ក្រអួន និងមានទឹកដមមិនចាញ់អ្នកចម្រៀងអាជីពប៉ុន្មានទេ រហូតអ្នកទស្សនានៅពីមុខទាំងអស់ ងើបឈរទះដៃសាទរគ្រប់គ្នា៕

*ចុចអានបន្ត៖

អត្ថបទ៖ យី សុធារី