រឿងពីមុនលែងខ្វល់! Katy Perry ចង់ផ្សះផ្សាជាមួយ Taylor Swift វិញ
- 2017-06-12 02:31:27
- ចំនួនមតិ 0 | ចំនួនចែករំលែក 0
រឿងពីមុនលែងខ្វល់! Katy Perry ចង់ផ្សះផ្សាជាមួយ Taylor Swift វិញ
ចន្លោះមិនឃើញ
អស់រយៈពេលជាង ៣ឆ្នាំមកហើយដែលទំនាក់ទំនងរបស់តារាចម្រៀង Katy Perry និង Taylor Swift មានភាពល្អក់កករជាមួយគ្នា មិនអស់មិនហើយ ប៉ុន្តែដំណឹងល្អមួយបានកើតឡើង ចេញពីមាត់ម្ចាស់ បទ "Roar” កាលពីពេលថ្មីៗនេះ។
តារាចម្រៀង និងជាអ្នកនិពន្ធបទចម្រៀងអាមេរិក Katy Perry បានប្រកាសពីបំណងរបស់ខ្លួនកាលពីថ្ងៃសៅរ៍មុន អំឡុងពេលកម្មវិធីផ្សាយផ្ទាល់ “Witness World Wide” ថា នាងចង់បញ្ចប់ជម្លោះរយៈពេល ៣ឆ្នាំជាមួយ Taylor Swift។
ពេលនោះតារាស្រីរូបនេះបាននិយាយថា៖ "ខ្ញុំលើកលែងទោសឲ្យនាង ហើយក៏សុំទោសនូវរាល់អ្វីគ្រប់យ៉ាងដែលខ្ញុំធ្លាប់ធ្វើដាក់នាង ហើយក៏សង្ឃឹមថា នាងក៏ដូចជាខ្ញុំដែរ”។
នាងក៏បានបន្ថែមទៀតថា៖ "អ្នកដឹងទេ? ខ្ញុំស្រលាញ់នាង (Taylor Swift) ថែមទាំងចង់ឲ្យនាងក្លាយជាមិត្តល្អរបស់ខ្ញុំទៀត"។
តាមរយៈបំណងរបស់នាង គឺពិតជាបង្ហាញច្បាស់ថា តារាស្រីរូបនេះចង់ចាប់ផ្ដើមជាថ្មីជាមួយ Taylor ណាស់ ហើយនាងក៏ព្រមលើកលែង និងបំភ្លេចរឿងមិនល្អកន្លងមកដែលធ្លាប់មានពីមុនដែរ។
នេះជាដំណឹងដ៏រីករាយមួយ សម្រាប់អ្នកគាំទ្រតារាចម្រៀងទាំង ២នៅពេល ដឹងថាតារាសំណព្វចិត្តរបស់ពួកគេវិលមកចាប់ដៃគ្នាធ្វើជាមិត្តល្អនឹងគ្នាដូចមុនវិញ៕
*ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
