Katy Perry ថាមិនពេញចិត្តរឿង Taylor Swift បង្ខូចឈ្មោះខ្លួន

2017-06-09 03:43:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Katy Perry នៅតែមិនសុខចិត្តជាមួយនឹង Taylor Swift បន្ទាប់ពីបានជីកកកាយរឿងជម្លោះរបស់អ្នកទាំងពីរថ្មីៗនេះ។

តារាចម្រៀង Katy Perry

ជម្លោះរបស់ Katy និង Taylor គឺមានរយៈពេល៥ឆ្នាំហើយ ដោយសារតែ Taylor ខឹងរឿងអ្នករាំរបស់នាង ៣នាក់បានឈប់ធ្វើការជាមួយខ្លួនហើយទៅរាំឲ្យ Katy Perry វិញ។ រឿងហេតុនេះបានធ្វើឲ្យ Taylor Swift សរសេរបទចម្រៀង "Bad Blood” ដែលជាបទចម្រៀងដែលល្បីខ្លាំង។

តារាចម្រៀង Taylor Swift

មកដល់ត្រឹមពេលនេះអ្នកទាំងពីរនៅមានភាពល្អក់កករនឹងគ្នា ព្រោះ Katy នៅតែគិតថាមិត្តចាស់របស់នាងគឺ Taylor ត្រូវតែសុំទោសនាងមុន បើសិនជាចង់បញ្ចប់ជម្លោះនេះ ដោយសារតែនាងគិតថាវាជារឿងមិនល្អមួយដែលយករឿងផ្ទាល់ខ្លួននាងទៅប្រាប់ជាសាធារណៈ។

Katy បានថ្លែងប្រាប់សារព័ត៌មាន NME ថា នាងមិនពេញចិត្តទេដែលមានអ្នកដទៃព្យាយាមបង្ខូចឈ្មោះរបស់នាង។

Taylor បានសរសេរបទ "Bad Blood” ជាមួយនិងផលិតករ Max Martin ជាអ្នកដែលធ្លាប់សហការជាមួយ Katy Perry ជាច្រើនដង។ ប៉ុន្តែ Katy មិនបានខឹងនឹងរឿងនេះទេ ដោយយល់ថាលោកជាអ្នកជួយផលិតចម្រៀងឲ្យនាងជាច្រើនបទដូចជា "I Kissed A Girl”, “Teenage Dream”, California Gurls និង Roar។ Katy និយាយថា នេះគឺជាសិទ្ធិរបស់លោក Max ហើយនាងមិនមានសិទ្ធប្រាប់ពីអ្វីដែលលោកអាចធ្វើនិងមិនអាចធ្វើនោះទេ។

ចំពោះបញ្ហាទាំងនេះថ្មីៗ នេះ Taylor មិនទាន់បានបង្ហាញអាការៈឆ្លើយតបណាមួយឡើយ ប៉ុន្តែក្នុងរយៈ១ឫ២ខែខាងមុខនេះ នាងនឹងមានបទចម្រៀងថ្មីៗហើយ៕

អីចឹងចាំមើលតើហេតុការណ៍នឹងទៅជាយ៉ាងណា? តើ Taylor នឹងសុំទោស Katy ឫក៏យ៉ាងណា?