ដំណឹងល្អ! Taylor Swift នឹងបញ្ចេញបទចម្រៀងថ្មីឆាប់ៗនេះហើយ!

2017-06-05 23:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងប៉ុប Taylor Swift នឹងបញ្ចេញបទចម្រៀងថ្មីឆាប់ៗនេះហើយ។ បទចម្រៀងនោះនឹងបញ្ចេញក្នុងអំឡុងពេលពីរទៅបីខែខាងមុខ ហើយវាគឺជាបទចម្រៀងមួយបទដែល Taylor មិនអាចរងចាំឲ្យអ្នកគាំទ្ររបស់នាងទាំងអស់បានស្ដាប់ ព្រោះនាងបានចំណាយពេលជាច្រើនដើម្បីផលិតបទចម្រៀងនេះ នេះបើតាមប្រភពមួយរបស់ HollywoodLife។

បើគិតទៅគឺអស់រយៈពេលបីឆ្នាំហើយដែល Taylor Swift បានបញ្ចេញអាល់ប៊ុមចម្រៀងចុងក្រោយ។ អ្នកគាំទ្រជាច្រើនកំពុងតែអន្ទះសាចង់ស្ដាប់បទចម្រៀងថ្មីរបស់នាង។ មិនត្រឹមតែប៉ុណ្ណោះនាងក៏បានត្រៀមទាំងវីដេអូចម្រៀងថ្មីទៀតផង។ ចំណុចដែលគួរឲ្យចាប់អារម្មណ៍នោះគឺសង្សារថ្មីរបស់នាង តារាសម្ដែង Joe Alwyn ក៏មានចំណែកក្នុងវីដេអូចម្រៀងនោះផងដែរ។

នេះមិនបានធ្វើឲ្យអ្នកគាំទ្រភ្ញាក់ផ្អើលខ្លាំងនោះទេ ដោយសារតែថ្មីៗនេះមានព័ត៌មានជាច្រើនទាក់ទងនឹង Taylor Swift និងសង្សាររបស់នាង។ ដូច្នេះហើយអ្នកគាំទ្រសន្មតថាក្នុងអាល់ប៊ុមចម្រៀងថ្មីនេះនឹងមានបទចម្រៀងទាក់ទងនឹង Joe Alwyn ហើយក៏អាចមានបទចម្រៀងទាក់ទងនឹង Calvin Harris ដែលជាសង្សារចាស់របស់នាងទៀតផង៕

អីចឹងចាំមើលទាំងអស់គ្នាទៅមើលថា អាល់ប៊ុមថ្មីរបស់ Taylor Swift នឹងនិយាយពីអ្នកណាខ្លះ?