Capello ក្លាយជាអ្នកចាត់ការល្បីទី៥ទៅដឹកនាំក្លឹបអាជីពនៅលីគកំពូលចិន

2017-06-12 03:51:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់នៃលីគកំពូលចិន Jiangsu Suning បានប្រកាសតែងតាំងលោក Fabio Capello ជាអ្នកចាត់ការទូទៅថ្មីក្នុងកុងត្រារយៈពេល១ឆ្នាំកន្លះ។

Fabio Capello

បុរសសញ្ជាតិអ៊ីតាលីបានក្លាយជាអ្នកចាត់ការល្បីឈ្មោះចុងក្រោយបំផុតដែលទៅកាន់ការងារក្នុងបាល់ទាត់ប្រទេសចិនបន្ទាប់ពីលោក Luis Felipe Scolari, Andre Villas-Boas, Gus Poyet និង Felix Magath។

Jiangsu Suning កំពុងស្ថិតនៅតំបន់ត្រូវកាត់ចោលបើទោះជាចំណាយលុយជាច្រើនទិញកីឡាករល្អៗមាន Ramires និង Alex Teixeira មកជួយក្រុមក៏ដោយ។ ក្លឹបកំពុងឈរលេខ១៥ក្នុងតារាងមួយនេះចុះហត្ថលេខាយកលោក Capello ដើម្បីជួយពួកគេឲ្យរក្សាជីវិតនៅក្របខ័ណ្ឌ Chinese Super League តទៅទៀត។

លោក Capello ទំនេរគ្មានក្លឹបដឹកនាំតាំងពីឆ្នាំ២០១៥មក ក្រោយពេលលាឈប់ពីតួនាទីជាគ្រូបង្វឹកក្រុមជម្រើសជាតិរុស្ស៊ី។ អ្នកចាត់ការល្បីឈ្មោះរូបនេះធ្លាប់ដឹកនាំក្រុមធំៗជាច្រើនដូចជា Real Madrid, AC Milan, Roma, Juventus និងក្រុមជម្រើសជាតិអង់គ្លេស៕