ជាង ២០ឆ្នាំ សៀមរាបមានសណ្ឋាគាររីកដូចផ្សិត
- 2017-06-12 08:43:09
- ចំនួនមតិ 0 | ចំនួនចែករំលែក 0
ជាង ២០ឆ្នាំ សៀមរាបមានសណ្ឋាគាររីកដូចផ្សិត
ចន្លោះមិនឃើញ
ក្រោយសម័យខ្មែរក្រហម ទីក្រុងសៀមរាបបានចាប់ផ្ដើម ដោយមានសណ្ឋាគារចាស់ៗតែ២ប៉ុណ្ណោះ តែពេលនេះក្រុងសៀមរាបមានសណ្ឋាគាររហូតដល់ទៅ ១៥០សណ្ឋាគារ និងមិនទាន់រាប់បញ្ចូលផ្ទះសំណាក់ផង។ ទេសចរណ៍យើងចាប់ផ្ដើមពីចំនួនសូន្យ ហូតពេលនេះយើងមានទេសចរ ប្រមាណ៥លាននាក់។ បើតាមប្រសាសន៍សម្តេច ហ៊ុន សែន នាយករដ្ឋមន្ត្រី បានថ្លែងក្នុងឱកាសស្វាគមន៍ប្រតិភូទាំងអស់ ដែលកម្ពុជាបានធ្វើជាម្ចាស់ផ្ទះនៃសន្និសីទនៅលើទឹកដីអង្គរ នៅថ្ងៃទី ១២ ខែមិថុនា ឆ្នាំ ២០១៧។
ទន្ទឹមនឹងនេះដែរ លោកនាយករដ្ឋមន្ត្រីបានបញ្ជាក់ថា កាលឆ្នាំ១៩៧៩ ទឹកដីនៃខេត្តសៀមរាបនេះ មិនមានការរីកចម្រើន និងមិនមានមនុស្សរស់នៅច្រើនទេ។ នៅឆ្នាំ១៩៩៣ ទីនេះក៏នៅតែមានបញ្ហាប្រឈមដោយ នៅមានខ្មែរក្រហមលបឆ្មក់វាយនៅឡើយ ពោលគឺ ទីនេះជាសមរភូមិសង្គ្រាម។ ទោះយ៉ាងណាក្ដី បច្ចុប្បន្ន ទីក្រុងសៀមរាបបានអភិវឌ្ឍលឿនបំផុត ជាមួយកំណើនប្រជាជន និងទេសចរយ៉ាងច្រើនកុះករ។
គួរបញ្ជាក់ដែរថា បច្ចុប្បន្ននៅទូទាំងប្រទេសកម្ពុជាមានសណ្ឋាគារប្រមាណជាង ១៥ ០០០ សណ្ឋាគារ ដែលមានបន្ទប់សរុបប្រមាណ ៣០ ០០០ ។
អត្ថបទ៖ ស៊ិន សាវ៉េត