មិនធ្លាប់មាន អាហ្សង់ទីន គ្រោងដាក់ខ្សែការពារតែ២នាក់ ពេលប៉ះសិង្ហបុរី
- 2017-06-13 04:12:05
- ចំនួនមតិ 0 | ចំនួនចែករំលែក 0
មិនធ្លាប់មាន អាហ្សង់ទីន គ្រោងដាក់ខ្សែការពារតែ២នាក់ ពេលប៉ះសិង្ហបុរី
ចន្លោះមិនឃើញ
លោក Jorge Sampaoli គ្រូបង្វឹកក្រុមជម្រើសជាតិអាហ្សង់ទីន នឹងប្រើយុទ្ធសាស្ត្រថ្មីក្នុងការប្រកួតមិត្តភាពអន្តរជាតិ ទល់នឹងក្រុមសិង្ហបុរី ដែលការប្រកួតធ្វើឡើងនៅម៉ោង ៧ យប់ថ្ងៃទី១៣ ខែមិថុនា ឆ្នាំ២០១៧ នេះ។
គ្រូបង្វឹក ដែលទើបតែចូលដឹកនាំបានមួយប្រកួត និងជួយអាហ្សង់ទីនយកឈ្នះប្រេស៊ីលក្នុងលទ្ធផល ១-០ កន្លងទៅ នឹងប្រើប្រព័ន្ធលេង ២-៣-៤-១ ដែលជាប្រព័ន្ធលេងដ៏កម្រមួយ ពុំសូវមានគ្រូបង្វឹកណាមួយប្រើប្រាស់នោះទេ។
ដូច្នេះ សម្រាប់ខ្សែការពារគឺមានចំនួនត្រឹមតែ ២នាក់ប៉ុណ្ណោះ គឺ Federico Fazio និង Emanuel Mammana ចំណែកខ្សែបម្រើមាន Marcos Acuna, Lucas Biglia, Eduardo Salvio, Di Maria, Dybala, Lanzini និង Gomez។ រីឯខ្សែប្រយុទ្ធទោលគឺ Correa ។
អាហ្សង់ទីន ស្ថិតនៅចំណាត់ថ្នាក់លេខ២ ពិភពលោក ខណៈសិង្ហបុរី នៅចំណាត់ថ្នាក់ទី ១៥៧ ក្នុងតារាង FIFA Ranking នាពេលបច្ចុប្បន្ន។
សូមបញ្ជាក់ថា ខ្សែប្រយុទ្ធឆ្នើមរបស់អាហ្សង់ទីន រួមមាន Messi និង Higuain មិនបានចូលរួមក្នុងការប្រកួតនេះឡើយ ដោយលើកហេតុផលថា មកពីបញ្ហាផ្ទាល់ខ្លួន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
