សហស្ថាបនិក OnePlus លើកឡើងពី OnePlus 5 រាងដូច iPhone 7

2017-06-16 01:58:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែប៉ុន្មានថ្ងៃទៀត OnePlus 5 នឹងបង្ហាញវត្តមានជាផ្លូវការគឺនៅថ្ងៃទី ២២ ខែមិថុនា ហើយមុននឹងការប្រកាសចេញនេះក្រុមហ៊ុន OnePlus ក៏បានបង្ហាញរូបតម្រុយខ្លះៗពីរាងស្មាតហ្វូនជំនាន់ថ្មីនេះដែរ។ យ៉ាងណាមិញរូបតម្រុយដែលបង្ហាញចេញមកបានធ្វើឲ្យអ្នកគាំទ្រមួយចំនួនខកចិត្តដោយសារតែឃើញថាមានរាងស្រដៀងនឹង iPhone 7។

ទាក់ទងនឹងចំណុចនេះ កាលពីម្សិលមិញឃើញថាមានការឆ្លើយតបពីសហស្ថាបនិក OnePlus លោក Carl Pei ដែលបានលើកឡើងពីរឿងស្រដៀងគ្នាធ្លាប់កើតមានលើ OnePlus 3 កន្លងមក។ នៅលើគណនី Twitter របស់ Carl Pei ឃើញមានបង្ហោះសារថា ៖ "តើមានអ្នកនៅចាំពីរឿងរំជើបរំជួលទាក់ទងនឹងរូបរាងរបស់ OnePlus 3 មុននឹងវាចេញជាផ្លូវការទេ? រឿងរំជើបរំជួលនេះបានស្ងប់ទៅវិញភ្លាមបន្ទាប់មកអ្នកប្រើប្រាស់បាន OnePlus 3ប្រើក្នុងដៃរួច”។

នៅចាំបានថាពេលដែល OnePlus 3 បង្ហាញរូបរាងលើកដំបូងមានមតិជាច្រើនរិះគន់ថាការរចនារូបរាងរបស់ស្មាតហ្វូននេះគឺជាការលាយបញ្ចូលគ្នារវាងចំណុចខ្លឹមៗនៃរូបរាង HTC 10 និង Samsung Galaxy S6។ ប៉ុន្តែរឿងរ៉ាវនេះបានស្ងប់ស្ងាត់ទៅវិញបន្ទាប់ពីមនុស្សជាច្រើនបានប្រើប្រាស់ OnePlus 3 រួច ហើយថែមសរសើរពីលក្ខណៈសម្បត្តិដ៏ខ្លាំងរបស់ស្មាតហ្វូននេះទៀតផង។

ដោយឡែកចំពោះ OnePlus 5 នេះវិញដែលមានមតិជាច្រើនលើកឡើងថាមានរូបរាងស្រដៀងនឹង iPhone 7 ស្ទើរបេះដាក់នោះ មិនដឹងថាមតិទាំងនេះអាចនឹងស្ងប់ស្ងាត់ទៅវិញបន្ទាប់ពីស្មាតហ្វូននេះបង្ហាញខ្លួនជាផ្លូវការឬយ៉ាងណាទេ៕

ចុចអាន៖