ស្ងាត់ៗ Vivo មានបច្ចេកវិទ្យានេះប្រើមុន Apple និង Samsung ទៀត
- 2017-06-16 03:31:03
- ចំនួនមតិ 0 | ចំនួនចែករំលែក 0
ស្ងាត់ៗ Vivo មានបច្ចេកវិទ្យានេះប្រើមុន Apple និង Samsung ទៀត
ចន្លោះមិនឃើញ
ជាច្រើនខែកន្លងមកនេះមានពាក្យចចាមអារ៉ាមបានអះអាងថា Apple នឹងប្រកាសចេញ iPhone 8 ដែលមានបំពាក់ទ្រនាប់ស្កេនក្រយៅដៃក្រោមផ្ទៃអេក្រង់។ ចំណែកឯ Samsung វិញក៏មានការរំពឹងថានឹងប្រើមុខងារនេះលើ Galaxy Note 8 ដែរ ប៉ុន្តែមានការបញ្ជាក់ពីមន្ត្រីផ្លូវការថាមុខងារនេះមិនទាន់ផលិតបានសម្រេចនៅឡើយទេ ហេតុនេះនឹងមិនអាចបំពាក់លើ Galaxy Note 8 បានឡើយ។
ងាកចេញពីក្រុមហ៊ុនយក្សទាំងពីរ មកមើលដំណឹងថ្មីមានប្រភពចេញពីប្រទេសចិនឯណេះវិញ ប្រសិនបើជាដំណឹងពិតនោះមានន័យថាក្រុមហ៊ុន Vivo ហាក់បានដើរមុន Apple និង Samsung មួយជំហានទៅហើយ។ កន្លងមក ក្រុមហ៊ុន Vivoក៏បានសិក្សាលើការបង្កើតទ្រនាប់ស្កេនក្រយៅដៃបង្កប់ក្រោមអេក្រង់នេះដែរ។ នេះបើផ្អែកតាមរូបភាពលេចធ្លាយខាងក្រោម ដែលថតចេញពីវីដេអូទើបចេញផ្សាយថ្ងៃនេះលើបណ្ដាញសង្គមចិន Weibo។
អ្នកវិភាគល្បីឈ្មោះ Pan Jiutang គឺជាអ្នកដែលបានបង្ហោះវីដេអូបង្ហាញពីស្មាតហ្វូន Vivo មានទ្រនាប់ស្កេនក្រយៅដៃក្រោមអេក្រង់នេះ។ តាមរយៈវីដេអូឃើញថាស្មាតហ្វូន Vivo ដែលមានរាងស្រដៀង Vivo Xplay 6 នេះ អាចដោះសោដោយស្វ័យប្រវត្តិដោយគ្រាន់តែយកម្រាមដៃប៉ះលើអេក្រង់ មិនបាច់ចុចប៊ូតុងអ្វីនោះទេ។ Pan Jiutang ជឿថា Vivo នឹងជាក្រុមហ៊ុនដែលមានបច្ចេកវិទ្យានេះប្រើដំបូងគេ ហើយបន្តមកទៀតទំនងជា Apple និងតាមពីក្រោយដោយ Samsung។
នេះជាលីងវីដេអូ http://t.cn/RSeFILT ប៉ុន្តែដើម្បីទស្សនាបានទាល់តែ Log In គណនី Weibo ជាមុនសិន។
រំលឹកថាកន្លងមក Vivo ក៏ជាក្រុមហ៊ុនដំបូងគេដែលបានប្រកាសចេញស្មាតហ្វូនអេក្រង់កម្រិត 2560x1440 ភីកសែល, ប្រកាសចេញស្មាតហ្វូនកម្រាស់តិចជាង ៥ ម.ម, ស្មាតហ្វូន RAM ទំហំ 6 GB និង ជាក្រុមហ៊ុនដែលប្រកាសចេញស្មាតហ្វូនមានកាមេរ៉ាខាងមុខភ្លោះ មុនគេផងដែរ៕
ចុចអាន៖
Note 8 មាន និង គ្មានទ្រនាប់ស្កេនក្រយៅដៃ មួយណាស្អាតជាង?
សហស្ថាបនិក OnePlus លើកឡើងពី OnePlus 5 រាងដូច iPhone 7
ច្បាស់ហើយ iPhone 8 មានមុខងារថ្មី ដែលទូរសព្ទ Android មានយូរឆ្នាំហើយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
