Bamboo Bungalow ប្លែកដំបូងគេនៅកម្ពុជា មានបន្ទប់គេងដាច់ពីគ្នា ជាប់មាត់បឹងធម្មជាតិ
- 2017-06-16 06:54:53
- ចំនួនមតិ 0 | ចំនួនចែករំលែក 0
Bamboo Bungalow ប្លែកដំបូងគេនៅកម្ពុជា មានបន្ទប់គេងដាច់ពីគ្នា ជាប់មាត់បឹងធម្មជាតិ
ចន្លោះមិនឃើញ
Bamboo Bungalow គឺជាកន្លែងលេងកម្សាន្តដ៏ពេញនិយមមួយនៅក្នុងខេត្តកំពត ដែលមានកន្លែងគេងជាបន្ទប់ដាច់ពីគ្នា ហើយថែមទាំងមាននៅជាប់មាត់បឹងទៀតផង។
បើតាមការឱ្យពី អ្នកស្រី ម៉ូនីកា ជាម្ចាស់រីសតនេះតែម្ដងបានឱ្យដឹងថា Bamboo Bungalow ជាកន្លែងលម្ហែកាយបែបស្ងប់ស្ងាត់ និងរ៉ូមេនទិកបំផុត នៅទីនោះមានបន្ទប់ស្នាក់នៅ ១៧បន្ទប់ ប៉ុន្តែជាប់មាត់បឹងមានតែ ៣ បន្ទប់ប៉ុណ្ណោះ។ ម្ចាស់រីសតខាងលើ បានឱ្យដឹងទៀតថា ក្នុងមួយបន្ទប់មានតែគ្រែមួយ ប៉ុណ្ណោះ ចំពោះតម្លៃវិញ ៣០ដុល្លារក្នុងមួយយប់។
លក្ខណៈពិសេសដែលភ្ញៀវទេសចរណ៍ ទទួលបាន គឺអាចគយគន់ទេសភាពដ៏ស្រស់បំព្រងលក្ខណៈធម្មជាតិសុទ្ធសាធ ហើយនៅពេលល្ងាចអាច ជិះទូកមើលថ្ងៃរៀបលិច ជាពិសេសពេលយប់អាចគយគន់ហ្វូងអំពិលអំពែករាប់លានក្បាលទៀតផង។ ចំពោះការជិះទូកទស្សនា ភ្ញៀវខ្មែរ ៣ដុល្លារ ចំណែកឯភ្ញៀវបរទេសតម្លៃ ៥ដុល្លារ ចេញដំណើរពីម៉ោង ៥ និងត្រឡប់មកវិញម៉ោង៧។
Bamboo Bungalow មានចម្ងាយប្រមាណ ២គីឡូម៉ែត្រប៉ុណ្ណោះពីទីរួមខេត្តកំពត នៅក្បែរផ្លូវរថភ្លើង ក្នុងស្រុកទឹកឈូ ខេត្ត កំពត៕