សឹងមិនជឿ iPad Pro សមត្ថភាពខ្លាំងជាង MacBook Pro

2017-06-17 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានប្រកាសចេញ iPad Pro កាលពីដើមខែកន្លងទៅ ដោយបានផ្សព្វផ្សាយថា iPad Pro ជាឧបករណ៍អាចជំនួសកុំព្យូទ័របាន។ ទន្ទឹមនឹងនេះលទ្ធផល Benchmark ថ្មីទទួលបានពី Blog ឈ្មោះ BareFeats បង្ហាញថា iPad Pro មានសមត្ថភាពខ្លាំងអាចយកឈ្នះ MacBook Pro ស៊េរីថ្មីក្នុងករណីខ្លះៗ។

Blog បានលើបានប្រៀបធៀប MacBook Pro ឆ្នាំ ២០១៦ និង ឆ្នាំ ២០១៧ ជាមួយនឹង iPad Pro បួនប្រភេទខុសៗគ្នា។ ខាងក្រោមជាលក្ខណៈសម្បត្តិលម្អិតនៃឧបករណ៍ដែលគេយកប្រៀបធៀប៖

@MacBook Retina ២០១៧ អេក្រង់ ១៣ អ៊ីញ ៖ CPU Dual-Core i7 3.5GHz, GPU Intel Iris Plus Graphics 650, RAM LPDDR3 ទំហំ 16 GB, flash storage ទំហំ 1 TB

@MacBook Retina ២០១៦ អេក្រង់ ១៣ អ៊ីញ ៖ CPU Dual-Core i7 3.1GHz, GPU Intel Iris Graphics 550, RAM LPDDR3 ទំហំ 16 GB, flash storage ទំហំ 1 TB

@iPad Pro អេក្រង់ ១២,៩ អ៊ីញ ២០១៧ (iPad7,2) ៖ Processor A10X 2.39GHz, flash storage ទំហំ 512 GB, RAM ទំហំ 4 GB

@iPad Pro អេក្រង់ ១០,៥ អ៊ីញ ២០១៧ (iPad7,4) ៖ Processor A10X 2.39GHz, flash storage ទំហំ 512 GB, RAM ទំហំ 4 GB

@iPad Pro អេក្រង់ ១២,៩ អ៊ីញ ២០១៥ (iPad6,8) ៖ Processor A9X 2.26GHz, flash storage ទំហំ 128 GB, RAM ទំហំ 4 GB

@iPad Pro អេក្រង់ ៩,៧ អ៊ីញ ២០១៦ (iPad6,4) ៖ Processor A9X 2.24GHz, flash storage ទំហំ 256 GB, RAM ទំហំ 2 GB

BareFeats បានយកឧបករណ៍ទាំងអស់ទៅតេស្តជាមួយនឹងកម្មវិធីតេស្តម៉ាស៊ីន GeekBench និង GFXBench ដោយមើលទាំងកម្លាំង CPU និង GPU។ ចំពោះការតេស្តដំណើរការ Single-Core MacBook Pro ឆ្នាំ ២០១៦ និង ២០១៧ ស៊ីដាច់ iPad Pro ទាំងអស់។ ចំណែកឯ iPad Pro អេក្រង់ ១០,៥ ឆ្នាំ ២០១៧ វិញមានកម្លាំងខ្លាំងជាងគេក្នុងចំណោម iPad Pro។

ការតេស្តដំណើរការ Single-Core

ដោយឡែកចំពោះការតេស្តដំណើរការ Multi-Core វិញ MacBook Pro ឆ្នាំ ២០១៧ ស្ថិតនៅលើគេ តាមពីក្រោយដោយ iPad Pro អេក្រង់ ១០,៥ អ៊ីញ និង iPad Pro ១២,៩ អ៊ីញ ឆ្នាំ ២០១៧។ ចំណុចនេះ iPad Pro ឆ្នាំ ២០១៧ អាចយកឈ្នះ MacBook Pro ឆ្នាំ ២០១៦ ត្បិតថាមានសមត្ថភាពទាបជាង និង តម្លៃធូរថ្លៃជាងក្ដី។

ការតេស្តដំណើរការ Multi-Core

បន្តមកទៀតគឺការតេស្ត GPU ដោយកម្មវិធី Geekbench ដែល iPad ១០,៥ អ៊ីញ ឆ្នាំ ២០១៧ ស៊ីដាច់ឧបករណ៍ដទៃទៀត រួមទាំង MacBook Pro ផងដែរ។ iPad Pro ១២,៩ អ៊ីញ ឆ្នាំ ២០១៧ ឈរនៅលេខពីរតាមពីក្រោយដោយ MacBook Pro ឆ្នាំ ២០១៦។ ចំណែក MacBook Pro ឆ្នាំ ២០១៧ បែរជាឈរនៅលេខបួនទៅវិញ។

ការតេស្ត GPU ដោយកម្មវិធី Geekbench

ជាចុងក្រោយការតេស្ត GPU ដោយប្រើកម្មវិធី GFXBench។ ជាថ្មីម្ដងទៀត iPad Pro ឆ្នាំ ២០១៧ ទាំងពីរប្រភេទអាចយកឈ្នះ MacBook Pro ទាំងពីរម៉ូដែលបាន។

ការតេស្ត GPU ដោយប្រើកម្មវិធី GFXBench

ទោះយ៉ាងណាក្ដីមានចំណុចមួយចំនួនគួរពិចារណាលើលទ្ធផលនៃការតេស្តនេះ។ លទ្ធផលតេស្តតាមកម្មវិធី Geekbench មិនអាចប្រៀបធៀបគ្នាទៅនឹងការប្រើជាក់ស្ដែងបានទាំងស្រុងនោះទេ ដូចនេះមិនមានន័យថាឧបករណ៍ទទួលបានពិន្ទុខ្ពស់ដំណើរការលឿនជាងឧបករណ៍ទទួលបានពិន្ទុតិចនោះទេ។ មួយវិញទៀតកត្តាទំហំអេក្រង់ក៏ជាចំណុចគួរពិចារណាមួយដែរ MacBook Pro មានអេក្រង់ធំ និងមាន Resolution ធំហេតុនេះអាចប៉ះពាល់ដល់ការតេស្តសមត្ថភាព GPU បាន៕

ចុចអាន៖

ប្រភព៖ 9to5Mac ប្រែសម្រួល៖ សុខហេង