គំរូស្មាតហ្វូនរបស់បិតា Android ត្រូវបានប្រទះឃើញមានអ្នកប្រើនៅទីសាធារណៈ

2017-06-17 04:30:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Essential Phone ដែលជាស្មាតហ្វូនដំបូងបង្អស់ដែលបង្កើតឡើងដោយស្ថានិក Android ឈ្មោះលោក Andy Rubin ត្រូវបានគេប្រទះឃើញមានបុរសម្នាក់បានចាប់កាន់ប្រើមុនការប្រកាសចេញលក់។

Essential Phone

មកទល់ពេលនេះ សង្កេតឃើញថាស្មាតហ្វូន Essential Phone មិនទាន់មានការធ្វើវីដេអូចាប់កាន់លើកដំបូង(Hand-on) ឬធ្វើវីដេអូបង្ហាញលក្ខណៈសម្បត្តិ(review) ពីសំណាក់លោក Andy Rubin នៅឡើយទេ ប៉ុន្តែតាមរយៈវីដេអូដែលលួចថតបាននេះ ត្រូវបានជឿថា វាមានរូបរាងដូចទៅនឹងគំរូស្មាតហ្វូន Essential Phone ពិតមែន។

គួររំព្ញកថា ស្មាតហ្វូននេះដើរដោយប្រព័ន្ធប្រតិបត្តិការ Android បំពាក់បន្ទះឈីបដែលសហការចាប់ដៃគូជាមួយក្រុមហ៊ុន Qualcomm (Snpadragon 835) មាន RAM ដល់ទៅ ៤GB និងមានភ្ជាប់មកជាមួយកាមេរ៉ាភ្លោះផ្នែកខាងក្រោយទៀតផង។ Essential Phone នឹងលក់ចេញជាផ្លូវការដោយក្រុមហ៊ុន Sprint សហរដ្ឋអាមេរិក ដែលអាចមានវត្តមាននៅលើវិបសាយរបស់ក្រុមហ៊ុននេះផងដែរ។

ដោយឡែកចំពោះតម្លៃរបស់វាប្រមាណជា ៦៩៩ ដុល្លារ៕