PlayLink បង្វែឱ្យស្មាតហ្វូន Android & iOS អាចជំនួសដៃហ្គេម PS4 បាន

2017-06-17 02:46:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពិព័រណ៍ E3 ឆ្នាំ ២០១៧ កន្លងទៅ ក្រុមហ៊ុន SONY បានប្រកាសចេញនូវមុខងារថ្មីមួយ មានឈ្មោះ PlayLink ។ វាអនុញ្ញាតឱ្យស្មាតហ្វូនដែលដំណើរការនៅលើ iOS និង Android រួមទាំងពពួកថេបប្លែតដូចជា iPad អាចដើរតួជំនួសដៃហ្គេម PS4 បាន។ ដើម្បីជាការទាញយកប្រយោជន៍ពីផ្នែកកាមេរ៉ានិងការចុច Touch Screen ពពួកស្មាតហ្វូន នឹងផ្ដល់ភាពងាយស្រួលកាន់តែវិសេសវិសាល គួបផ្សំនឹងអ្វីដែលជាថ្មីច្រើនទៀត លើសពីការចុចបញ្ជាតាមរយៈដៃហ្គេមធម្មតា។

ក្រុមហ៊ុន SONY បានថ្លែង "PlayLink នឹងរួមបញ្ចូលគ្នាតែមួយរវាងស្មាតហ្វូន, ឧបករណ៍ថេបប្លែត, ទូរទស្សន៍និងម៉ាស៊ីនហ្គេម PS4 ដើម្បីទទួលបានអត្ថប្រយោជន៍នៃហ្គេមថ្មីៗជាច្រើន ទាញចេញពីមុខងារ Touch Screen និងកាមេរ៉ា" ។ ក្រុមហ៊ុនពន្យល់បន្ថែម "អ្នកអាចធ្វើការចុចសង្កត់, អូស បង្វិលគ្រប់បែបយ៉ាងនៅលើអេក្រង់ Touch Screen នៃឧបករណ៍ផ្អែកទៅតាមហ្គេមនីមួយៗបានកំណត់" ៕

បច្ចុប្បន្នក្រុមហ៊ុនក៏បានបង្កើតនូវហ្គេមចំនួន ២ ដែលអាចគាំទ្រមុខងារ PlayLink រួមមានហ្គេមឆ្លើយសំណួរ That's You និងហ្គេមបែបផ្សងព្រេងដ៏អាថ៌កំបាំង Hidden Agenda៕

អានបន្ត៖

ប្រភព៖ idropnews ប្រែសម្រួល៖ កៅ រក្សា