Microsoft និយាយចំៗថា Apple ចម្លងតាមខ្លួន

2017-06-18 03:26:24
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ryan Gavin អ្នកចាត់ការទូទៅនៃ Microsoft បានសន្និដ្ឋានថាការប្រកាសចេញ iPad Pro របស់ Apple គឺជាការឆ្លើយតបទៅនឹងឧបករណ៍ Surface របស់ខ្លួន។

ក្នុងជំនួបជាមួយសារព័ត៌មាន Business Insider អ្នកចាត់ការរូបនេះលើកឡើងថា ៖ "នៅពេលដែល Surface បង្ហាញខ្លួន មនុស្សគ្រប់គ្នាគិតថាវាជារឿងមិនអាចទៅរួច រួមទាំងពួកគេ (Apple) ផងដែរ។ ក្រោយមកពួកគេ (Apple) ក៏ធ្វើតាម ហើយ iPad Pro ជាឧទាហរណ៍ដ៏ច្បាស់មួយ”។

iPad Pro ជាមួយ Smart Keyboard ចេញឆ្នាំ ២០១៥

រំលឹកថា Apple បានបញ្ចេញ iPad Pro ដំបូងនៅឆ្នាំ ២០១៥ ដែលមានភ្ជាប់ជាមួយនូវក្ដារចុចឆ្លាតវៃ អាចឲ្យធ្វើការបានដូចជាកុំព្យូទ័រដែរ។ ការប្រកាសចេញ iPad Pro នេះធ្វើឡើង ៣ ឆ្នាំបន្ទាប់ពី Microsoft បានប្រកាសចេញ Tablet Surface ដំបូងដែលមានអេក្រង់ ១០,៦ អ៊ីញ និង មានក្ដារចុចអាចដោះចេញ ដាក់ចូលបាន។

Microsoft Surface ចេញឆ្នាំ ២០១២ មានក្ដារចុចអាចដោះចេញ ដាក់ចូលបាន

ដោយឡែក Tablet Surface របស់ Microsoft ក៏អាចជាការឆ្លើយតបនឹង iPad របស់ Apple ដែរ ដោយ iPad ដំបូងប្រកាសចេញនៅឆ្នាំ ២០១០ បន្ទាប់មកនៅឆ្នាំ ២០១២ Surface ក៏បង្ហាញខ្លួន៕

ចុចអាន៖

ប្រភព៖ macrumors ប្រែសម្រួល៖ សុខហេង