មុន្នីរត្ន អតិថិជនដំបូង ហាងបបរសម័យ ប៉ុល ពត ទម្លាយការពិតគួរឱ្យសរសើរបំផុត
- 2017-06-19 07:15:11
- ចំនួនមតិ 0 | ចំនួនចែករំលែក 0
មុន្នីរត្ន អតិថិជនដំបូង ហាងបបរសម័យ ប៉ុល ពត ទម្លាយការពិតគួរឱ្យសរសើរបំផុត
ចន្លោះមិនឃើញ
កញ្ញា មុន្នីរត្ន ឈ្មោះហ្វេសប៊ុក ហេង អូអ៊ីន ជាអតិថិជនដំបូងដែលបានទៅញ៉ាំបបរសម័យ ប៉ុល ពត បានទម្លាយការពិតប្រាប់ Sabay នៅថ្ងៃនេះថា តាមពិតបបរសម័យ ប៉ុល ពត នេះដាក់ឈ្មោះដើម្បីជាការទាក់ទាញចំណាប់អារម្មណ៍ប៉ុណ្ណោះ តែធាតុពិតជាក់ស្ដែងមិនមែនបបររាវជាមួយអំបិលនោះទេ តែជាបបរដែលមានរសជាតិឆ្ងាញ់ប្លែក។ ចំណែកឈ្មោះបបរសម័យប៉ុល ពត គឺលោកពូអ្នកនោះមានមូលហេតុសំខាន់មួយ។
មុន្នីរត្ន ជានិស្សិតបញ្ចប់ការសិក្សាផ្នែកគណនេយ្យនៅសាកលវិទ្យាល័យបៀលប្រាយ បានប្រាប់ Sabay យ៉ាងដូច្នេះថា៖ នៅពេលដែលយើងទៅដល់ ហាងបបរនឹង ដំបូងគឺគាត់ដាក់បបរសជាមួយអំបិលឱ្យយើងមើល ហើយគិតថាកាលពីសម័យ ប៉ុលពត ហ្នឹងឪពុកម្ដាយយើង ឬចាស់ព្រឹទ្ធាចារ្យនាសម័យនោះពួកគាត់រស់នៅយ៉ាងវេទនាប៉ុណ្ណាទើបបានផុតដល់សម័យនេះ។ហើយការរស់នៅហូបចុកយ៉ាងដូចម្ដេចដែរ?
អាជីករលក់ដូរក្នុងខេត្ត សៀមរាប នេះនិយាយទៀតថា៖ បន្ទាប់មកទើបគាត់លើកបបរគ្រឿងបច្ចុប្បន្នមកជូនយើងញាំ បបរគ្រឿងគាត់មានរសជាតិឆ្ងាញ់ខុសពីគេ ប្លែកមាត់ត្រីគាត់យកមកពីស្ទឹងត្រែង បន្លែគាត់ធម្មជាតិ(បបរផេះឬផិ)តាមពិតការដាក់ឈ្មោះគឺជាការទាក់ទាញ ធ្វើឱ្យយើងចាប់អារម្មណ៍ ចង់ឃើញ ចង់ញាំ ចង់ភ្លក់នូវរសជាតិប្លែក៕