អង្គការសហប្រជាជាតិ អំពាវនាវឲ្យ ថៃ កែប្រែច្បាប់ ដ៏អាក្រក់មួយ
- 2017-06-20 00:31:21
- ចំនួនមតិ 0 | ចំនួនចែករំលែក 0
អង្គការសហប្រជាជាតិ អំពាវនាវឲ្យ ថៃ កែប្រែច្បាប់ ដ៏អាក្រក់មួយ
ចន្លោះមិនឃើញ
យោងតាមសារព័ត៌មាន BBC បានឲ្យដឹងថា អង្គការសហប្រជាជាតិ ហៅកាត់ថា UN បានអំពាវនាវឲ្យប្រទេសថៃ កែប្រែច្បាប់ដ៏អាក្រក់របស់ខ្លួន ដែលប្រឆាំងនឹងការប្រមាថព្រះមហាក្សត្រ។
ការិយាល័យ UN High Commissioner ដែលទទួលបន្ទុកផ្នែកសិទ្ធិមនុស្ស បានឲ្យដឹងថា វាមានការរំខានយ៉ាងខ្លាំង ដោយសារតែអត្រានៃការចោទប្រកាន់ខ្ពស់ និងទោសកំហុសចំពោះបទល្មើសមិនមានសមាមាត្រ។
ជាមួយគ្នានេះដែរ អង្គការសហប្រជាជាតិ បានឲ្យដឹងថា ចាប់តាំងពីរដ្ឋប្រហារយោធា នៅឆ្នាំ ២០១៤ មក ចំនួនមនុស្សដែលត្រូវបានស៊ើបអង្កេត ពីបទរំលោភលើច្បាប់ប្រមាថព្រះមហាក្សត្រ បានកើនឡើងទ្វេដង នៃចំនួនដែលត្រូវបានស៊ើបអង្កេត រយៈពេល ១២ ឆ្នាំមុន ហើយមានតែ ៤ ភាគរយប៉ុណ្ណោះ ដែលត្រូវបានកាត់ទោសឲ្យរួចខ្លួន។
ជាក់ស្ដែង បុរសជនជាតិថៃម្នាក់ ត្រូវជាប់ពន្ធនាគាររហូតដល់ទៅ ៣៥ឆ្នាំ កាលពីថ្ងៃសុក្រ ទី៩ ខែមិថុនា កន្លងទៅនេះ បន្ទាប់ពីបង្ហោះសាររិះគន់ប្រមាថគ្រួសាររាជវង្ស។ គួរបញ្ជាក់ថា ការសម្រេចទោសនេះ គឺជាទោសធ្ងន់ធ្ងរបំផុតមួយ ក្នុងការពារពីការរិះគន់លើគ្រួសារក្សត្រ៕