Confederation Cup៖ ទោះមិនដាក់កីឡាករខ្លាំងអាល្លឺម៉ង់ នៅតែអាចស៊ីជើងឯកអាស៊ី អូស្ត្រាលី
- 2017-06-20 02:09:37
- ចំនួនមតិ 0 | ចំនួនចែករំលែក 0
Confederation Cup៖ ទោះមិនដាក់កីឡាករខ្លាំងអាល្លឺម៉ង់ នៅតែអាចស៊ីជើងឯកអាស៊ី អូស្ត្រាលី
ចន្លោះមិនឃើញ
ម្ចាស់ជើងពិភពលោកអាល្លឺម៉ង់បានយកឈ្នះជើងឯកប្រចាំតំបន់អាស៊ី អូស្ត្រាលីដោយលទ្ធផល ៣-២ ក្នុងការប្រកួតជុំទី១ ពូល B ពាន Confederation Cup ក្នុងទីក្រុង Sochi ប្រទេសរុស្សី។
បើកឆាកត្រឹមតែ៥នាទី អាល្លឺម៉ង់ដែលអវត្តមានកីឡាករខ្លាំងៗជាច្រើនបានធ្វើការនាំមុខមុន សម្រេចទីដោយកីឡាករ Lars Stindl មុនពេល Tom Rogic របស់អូស្ត្រាលីតាមស្មើបានវិញនាទី៤១។ ជិតចប់វគ្គទី១ទៅហើយអាល្លឺម៉ង់ទទួលសំណាងបានបាល់ប៉េណាល់ទី Julian Draxler ជាពេជ្ឈឃាដជួយក្រុមនាំមុខម្ដងទៀត។
ឈានដល់វគ្គទី២ ទើបតែលេងបាន២នាទី Leon Goretzka របស់ឥន្ទ្រីដែកបានទាត់បញ្ចូលទីយ៉ាងល្អ តែដល់នាទី៥៦ Tomi Juric របស់អូស្ត្រាលីតាមបាន១គ្រាប់មកវិញ។ លទ្ធផលនេះបានបន្តរហូតដល់ចប់វគ្គ ដូច្នេះអាល្លឺម៉ង់បានយកឈ្នះ អូស្ត្រាលី ៣-២ ឈរលេខ២ក្នុងពូល B នៅពីក្រោមឈីលី ដែលបានយកឈ្នះ កាមេរូន ២-០កាលពីថ្ងៃអាទិត្យ។
នៅជុំបន្ទាប់ ថ្ងៃព្រហស្បតិ៍ អាល្លឺម៉ង់ត្រូវជួបឈីលីនៅ ឯអូស្ត្រាលីតទល់កាមេរូន៕
ចុចអាន៖
[Perez នឹងនិយាយរឿងអនាគតជាមួយ Ronaldo ក្រោយចប់ Confederations Cup](http://news.sabay.com.kh/article/943432#utm_campaign=onpage]
Pepe៖ តោះ Ronaldo យើងទៅលេងនៅ PSG ទាំងអស់គ្នា](http://news.sabay.com.kh/article/943405#utm_campaign=onpage)