Galaxy Note 8 គ្មានឱកាសបំពាក់ប្រព័ន្ធស្កេនក្រយៅដៃបង្កប់ក្រោមអេក្រង់

2017-06-20 02:25:08
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ចេញពីប្រភពនៃឧស្សាហកម្មមួយអះអាងថា បច្ចេកវិទ្យាស្កេនក្រយៅដៃបង្កប់ក្រោមអេក្រង់របស់ SAMSUNG ទទួលលទ្ធផលអវិជ្ជមាន ដោយជួបបញ្ហាអតុល្យភាពពន្លឺ ខណៈទីតាំងដែលត្រូវបង្កប់ប្រព័ន្ធស្កេនមានពន្លឺជះខ្លាំងជាងកម្រិតពន្លឺបង្ហាញលើអេក្រង់ទាំងមូល។

នេះជាហេតុផលគេហ៊ានយល់ថា Note 8 នឹងមិនមានឱកាសទទួលបានបច្ចេកវិទ្យាទំនើបនេះឡើយ។ ទម្រាំគេបញ្ចប់ការធ្វើតេស្តបច្ចេកវិទ្យានេះជោគជ័យអាចឈានចូលដើមឆ្នាំក្រោយ ដែលវាជាដំណឹងល្អសម្រាប់ការបង្ហាញខ្លួនរបស់ Galaxy S9 ឯណោះវិញ។

ដើម្បីបញ្ចៀសកំហុសឆ្គងធ្លាប់កើតមានលើ Note 7 ក្រុមហ៊ុន SAMSUNG នឹងដាក់បង្ហាញ Note 9 រាងយឺតយ៉ាវបន្តិច អាចឈានចូលដល់ពាក់កណ្ដាលខែសីហាឫដើមខែកញ្ញាផ្អែកទៅតាមស្ថានភាពជាក់ស្ដែង។ ក្រោយការបង្ហាញខ្លួនរបស់ Note 8 បានប្រហែល ១ ទៅ ២ សប្ដាហ៍ វត្តមាន iPhone 8 របស់ Apple ក៏អាចប្រកាសបង្ហាញដូចគ្នា ហើយការប្រកួតប្រជែងដ៏ក្ដៅគគុកនឹងបានឃើញក្នុងពេលនោះ។

បន្តចុចអាន៖

ប្រភព៖ PhoneArena ប្រែសម្រួល៖ កៅ រក្សា