កុំព្យូទ័រ​​ ​​Apple​ ​ម៉ូដែល​ ​Apple-1​ ​ផលិត​ឆ្នាំ​ ​១៩៧៦​ ​ដែល​អាច​ដំណើរការ​​ជា​ធម្មតា​មួយ​គ្រឿង​ត្រូវ​គេ​លក់​បាន​ក្នុង​តម្លៃ​ប្រមាណ​ ​៣៥៥ ០០០​ ​ដុល្លារ​ ​ក្នុង​កម្មវិធី​ដេញ​ថ្លៃ​មួយ​ក្នុង​ទីក្រុង​ញ៉ូយ៉ក​ ​សហរដ្ឋអាមេរិក។

Apple-1​ ​ជា​កុំព្យូទ័រ​ប្រភេទ​ឯកជន​ម៉ូដែល​ដំបូង​បំផុត​របស់​ ​Apple​ ​ដែល​ផលិត​ផ្គុំ​ដោយ​ដៃ​ផ្ទាល់​ពី​លោក​ ​Steve Wozniak​ ​និងSteve Jobs​ ​ហើយ​ ​Apple-1​ ​ជា​ច្រើន​គ្រឿង​ត្រូវ​បាន​គេ​យក​មក​ដាក់​ដេញ​ថ្លៃ​ជា​រឿយៗ​ ​ដែល​កាល​ពី​ឆ្នាំ​ ​២០១៣​ ​Apple-1​ ​មួយ​គ្រឿង​លក់​បាន​ ​៦៧១ ៤០០​ ​ដុល្លារ​ ​និង​មួយ​គ្រឿង​ផ្សេង​ទៀត​ក្នុង​ឆ្នាំ​ ​២០១៤​ ​លក់​បាន​ ​៩០៥ ០០០​ ​ដុល្លារ​ ​ខណៈ​បច្ចុប្បន្ន​ ​Apple-1​ ​គឺ​មាន​តែ​ ​៦៦​ ​គ្រឿង​ប៉ុណ្ណោះ។

ដោយ​ឡែក​ថ្លៃ​ដើម​របស់​ ​Apple-1​ ​កាល​ពី​ឆ្នាំ​ ​១៩៧៦​ ​នោះ​ ​គឺ​មាន​ប្រមាណ​តែ​ ​៦៦៦​ ​ដុល្លារ​ ​តែ​បើ​គិត​តាម​អតិផរណា​ទីផ្សារ​បច្ចុប្បន្ន​ ​៦៦៦​ ​ដុល្លារ​ឆ្នាំ​ ​១៩៧៦​ ​គឺ​ស្មើ​ ​២ ៨៩៧​ ​ដុល្លារ​ឆ្នាំ​ ​២០១៧។

បើ​ធ្វើ​ការ​ធៀប​តម្លៃ​លក់​នៃ​ ​Apple-1​ ​ជាង​ ​៣៥​ ​ម៉ឺន​ដុល្លារ​នេះ​ ​ជា​មួយ​តម្លៃ​រថយន្ត​ក្នុង​ទីផ្សារ​ប្រទេស​កម្ពុជា​សម្រាប់​ខែ​មិថុនា​ ​២០១៧​ ​នេះ​ ​គឺ​អាច​ទិញ​ ​Toyota Corolla​ ​ឆ្នាំ​ ​២០១៧​ ​ដល់​ទៅ​ ​៨​ ​គ្រឿង​ ​ដែល​រថយន្ត​នេះ​មាន​តម្លៃ​ប្រមាណ​ ​៣៩ ៩០០​ ​ដុល្លារ៕

ចុចអានបន្ត ៖

• ហាងឆេង​រថយន្ត​ដើមសប្តាហ៍​នេះ
• Galaxy Note 8 គ្មាន​ឱកាស​បំពាក់​ប្រព័ន្ធ​ស្កេន​ក្រយៅដៃ​បង្កប់​​ក្រោម​អេក្រង់

ប្រភព៖ Cnet   ប្រែ​សម្រួល៖ រដ្ឋ