ឌុយបៃ សាកល្បងបើកសេវាតាក់ស៊ីលើអាកាសចុងឆ្នាំ ២០១៧
- 2017-06-21 02:05:05
- ចំនួនមតិ 0 | ចំនួនចែករំលែក 0
ឌុយបៃ សាកល្បងបើកសេវាតាក់ស៊ីលើអាកាសចុងឆ្នាំ ២០១៧
ចន្លោះមិនឃើញ
ក្រុមហ៊ុនអាកាសចររបស់អាល្លឺម៉ង់ Volocopter បានប្រកាសពីការចុះកិច្ចព្រមព្រៀងជាមួយអាជ្ញាធរដឹកជញ្ជូនទីក្រុងឌុយបៃ (RTA) ដើម្បីចាប់ផ្ដើមបើកដំណើរការសាកល្បងប្រភេទតាក់ស៊ីលើអាកាសនាចុងឆ្នាំ ២០១៧។
ក្នុងកិច្ចព្រមព្រៀងរយៈពេល ៥ ឆ្នាំ ស្ថាបនិក Volocopter លោក Alexander Zosel បានបង្ហាញមោទនភាពជាខ្លាំង ដែល RTA បានជ្រើសរើសក្រុមហ៊ុនជាដៃគូក្រោយការសាកល្បងដ៏ហ្មត់ចត់មួយ។
ប្រភេទម៉ូដែល VC200 របស់ Volocopter ត្រូវបានបើកឱ្យហោះជាលើកដំបូងនាឆ្នាំទៅ ដែលប្រើថាមពលអគ្គិសនី Multicopters មានស្លាបបង្វិល ១៨ ដោយអាចហោះបានក្នុងល្បឿនអតិបរមា ៧០ គ.ម/ម។
យ៉ាងណាមិញក្រុមហ៊ុនអាល្លឺម៉ង់មួយនេះ មិនមែនជាអ្នកផ្គត់ផ្គង់តាក់ស៊ីអាកាសដំបូងបង្អស់ឡើយក្នុងទីក្រុងឌូបៃ។ អាជ្ញាធរ RTA របស់ប្រទេសអារ៉ាប់រួមក៏ធ្លាប់បានចុះកិច្ចព្រមព្រៀងជាមួយក្រុមហ៊ុនផលិត Drone របស់ប្រទេសចិន Ehang ក្នុងការសាកល្បងយានជំនិះហោះលើអាកាសផ្ទុកបានអ្នកធ្វើដំណើរម្នាក់នាពេលកន្លងមកដូចគ្នា។
រំលឹកថាក្រុមហ៊ុន Uber បច្ចុប្បន្នក៏កំពុងស្ថិតក្នុងកិច្ចពិភាក្សាជាមួយទីក្រុង Emirate ដែលជាតំបន់អភិវឌ្ឍរបស់ប្រទេសអារ៉ាប់រួមក្នុងគោលដៅបើកដំណើរការតាក់ស៊ីលើអាកាសនាឆ្នាំ ២០២០។
បន្តចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
